Todalen Idrettslag

3. juledag er kommet og det er berre å finne fram godt fottøy for å bli med på årets Romjulsmarsj. Det er trimgruppa som er arrangør av denne årelange tradisjonen kor alle i Todalen går mann av huse for å få litt friskluft og ikje minst treffe sambygdinger rundt bygda.

Billettane til julerevyen 2019, «Todalen Ymseri», er no lagt ut for sal på Matkroken Todalen. Vi tenkte å være tidleg ut med tanke på at det kanskje kan være ei høveleg julegåve til familie, eller vener og kjente, seier Knut Bergli i Todalen Idrettslag som er arrangør. Billettane kostar kr 150 pr stk., og kan kjøpast i kassa på matkroken. Julerevyen «Todalen Ymseri» går av stabelen 3. juledag, fredag 27. desember kl. 20.00 i Todalen ungdomshus.

Revygjengen i Todalen I.L. er godt i gang med øvingane på scenekanten i Ungdomshuset. Arbeidet med skriving av tekstar er gjort unna, og no pågår øvinga for fullt, og torsdag kveld var det 3. øvingskveld så langt. Det var god stemning i leiren, og det såg ikkje ut til at revygjengen var under tidspress for å kome i mål. – Vi har klart å få til mykje godt og aktuelt stoff, og er eigentleg ferdige med skrivearbeidet, men ting kan skje enno så vi er førebudd på oppgraderingar, seier Astrid Longva Kvendset som er revysjef.

Det er nyoppkøyrt løype og perfekte forhol på Tjønnmyran, reklamerer Ski- og friidrettsgruppa i T.I.L. Det er skikkeleg godt skiføre, og leiar i gruppa, Gunnar Nordvik, håpar at fleire tek turen til lysløypa på Tjønnmyran. – Ta med borna og kom ut på ski, er oppfordringa derifra.

Søndag 15 desember åpner «Stikk Ut Ski» for denne skisesongen, og Friluftsrådet, og skikretsen viderefører dette flotte skitur-tilbudet i hele fylket!
Det er over 20 kommuner, over 40 skiklubber, samt noen Skisentre og Løypelag, som er med på dette gode samarbeidet om å legge til rette for skiglade barn, unge og voksne!

Etter melding frå Idrettslaget om nyoppkjørte løyper vart det tur oppå Tjønnmyran for å prøve skiene og sjekke forholda. Det er berre å slå fast at skiføret midt på dagen tysdag er riktig godt, og at det er flotte dårer for klassisk stil og breie trasear for skeising! Her er det rom for alle.

Todalen idrettslag melder at det no er retteleg fine forhold for å gå på ski oppå Tjønnmyrå! Det er godt med snø, og traseen vart oppkjørt no i morgontimane.

 3. dagsfest blir det, både med revy, musikk, bevertning og ikkje minst sosialt samvær. Det lovar revykomiteen som jamnt og trutt har møttes fra september for å sette i saman eit innhaldsrikt program for bygdafolket, tilreisande og alle andre som ikkje bør la dette gå i fra seg. I år fell 3. dagen på fredag, noko som dei håpar skal bidra til fullt hus denne kvelden.

Laurdag kveld inviterte Todalen IL og Todalen grendalag sine sambygdinger til julebordsfeiring i Todalen Ungdomshus. Med komite og gjestar var det no eit godt 60-tals som vart traktert med prima julemat – fleire variantar med ribbe, pinnekjøtt og mykje anna godt – og riskrem til dessert etterpå.

Etter ein lang og kald periode er det no duka for litt mildare vêr dei komande dagane. Vi kan faktisk vente oss nokre få varmegrader og søraust vindretning fram til torsdag i neste veke. Da blir det igjen litt kaldare, med nokre få kuldegrader i starten – men altså stabil sør-aust vindretning uten nedbør heilt fram til neste helg.

Det er enno ikkje for seint å bli med på julebordet i Todalen ungdomshus laurdag 23. november, fortel Nils Ove Bruset som er leiar i Todalen IL og vertskap for julebordet saman med Todalen Grendalag. Når påmeldingsfristen gikk ut var det påmeld rundt 60 deltakarar, og det teiknar til å bli eit livat arrangement seier Nils Ove. – Vi har mat og plass til nokre fleire deltakarar, så det er berre å ta med god humør og kome på julebord.

Etter to prøverundar med volleyball blir det no arrangert volleyballtrening fast på tirsdagar fram mot jul.  Kl 19.30 i gymsalen på skulen.