Todalen Idrettslag

Fersk førerapport frå Skihytta og Tristeinan:  Kjempefint føre med 10 cm nysnø og 2 kuldegrader!  Det er i dag køyrt på spor frå Innerdalsmerket, via Talgøsetra og Tristeinan, vidare til Snekkardalshalsen og til Skihytta på Ørsalfjellet.  Vidare er det køyrt på spor frå Øyalia og til Skihytta.  Den tradisjonelle Kjerringdilten er imidlertid avlyst på grunn […]

Skutergruppa i Todalen I.L. melder om oppkøyrte løype både via Kleivhaugan og Huslia til Talgøsetra og vidare opp til Tristeinan.  På same måte er det påkøyrt spor opp Øyalia og vidare opp til Skihytta.  Det rapporteres fønvind og varmegrader i fjellet, og det tærer nok på skiføret som er kram nysnø og «sygande» føre.  Folk […]

Det er betydeleg rasfare i Trollheimen, og varsom.no oppfordrar folk til å være forsiktige. Dei melder om litt snøfall og deretter temperaturstigning. – Vær oppmerksam på våte laussnøskred i låglandet, fersk fokksnø i høgda og store ustabile skavlar, er budskapet derfra.  Lokalt har skutergruppa i Todalen I.L. vore ute og jobba i dag, men mykje nysnø og tungt føre har laga mykje trøbbel for løypekøyringa. 

I ut og orden er årsmøter og andre sammankomstar avlyst eller utsett på ubestemt tid. Årsmøtet i Todalen Idrettslag er heller ikkje nok unntak. Årsmøtet var tillyst 31. mars, men blir no utsett inntil vidare, melder leiar i laget, Nils Ove Bruset.  Ny dato vil bli kunngjort seinare, fortel Bruset. 

Todalen idrettslag melder at dei stenger treningssentret Hett & Svett ein periode.  Dette har si begrunning i at T.I.L. vil bruke «føre var-prinsippet» for å begrense spreiing av coronaviruset.  

Etter anbefaling av Norges skiforbund (NSF) og Surnadal kommune, har Todalen I.L. besluttet å avlyse NorgesCupen i randonee på Kårvatn i Todalen den 21. og 22.  mars 2020, skriver Todalen I.L. i ei pressemelding.  NSF og den olympiske komite ber om at alle idrettsaktiviteter  opphører med umiddelbar virkning. 

Søndag var det annonsert barn i løypa på Tjønnmyra, men med sol og 10-12 varmegrader vart det berre så som så med skiføret i lysløypetraseen. Men det var mykje anna å finne på i finvêret, og ingen trong å ligge på latsida likevel og både akebakkan og klatreparken vart flittig bruka.

Todalen idrettslag har investert i ei ny tredemølle som vart montert på hett & Svett i dag.  Utstyret på i idrettslagets treningsstudio er flittig bruka, og ei av dei gamle tredemøllene må no byttes ut. Det har vore prove ei oppgradering med service, utan at det har lukkast.  No er altså den nye tredemølla på plass, og i dag har eit ekspertteam som har vore leia av Knut Bergli sørga for montering av den nye tredemølla.

Dei kommande tre onsdagane framover blir det arrangert kampsporttrening i gymsalen på skulen igjen. Instruktør Anders Braaten Raaen stiller for nye runder med den populære aktiviteten, som blir tilpassa dei ulike alderstrinna som møter opp.

Det er køyrt opp skuterspor til fjells både i Øyalia opp tmot Skihytta og frå Innerdalsmerket opp til Tristeinan.  Det er godt føre, men det er meldt litt sør austleg vind dei neste par dagane. Ein må pårekne litt snøfokk i høgda, seier Gunnar Nordvik i TILs ski- og friidrettsgruppe.

Sporkjøyrar på Tjønnmyra Ola Dalsegg melder om vindunderlege forhold i lysløypa. Han kjøyrde opp nye spor i går kveld og kan fortelje at de vil bli vedlikehelt også framover så lenge vêret held seg. Også løypemannskapet på Vang kan fortelje om fine skiforhold i deira løypenett.

Vi har venta leng på skiføret i vinter, slik at vi har kunna arrangere «Barn i løypa».  Endeleg vart det såpass med snø det siste døgnet, så no er det nypreparerte løyper og fint skiføre i lysløypa på Tjønnmyran, seier Gunnar Nordvik som er leiar i Ski- og friidrettsgruppa i Todalen I.L.  Dermed vart det hastinnkalling til skirenn og snøleik på Tjønnmyran i kveld, til stor glede for dei mange smårollingane som hadde funne fram skier, akebrett og rattkjelker.