Todalen Idrettslag

På sitt styremøte måndag kveld, vedtok Sparebankstiftelsen Surnadal Sparebank å tildele kroner 75.000 til Todalen Idrettslag sitt nye nærmiljøanlegg på Bordholmen stadion, som er under bygging. – Dette var berre heilt fenomenalt og noko vi verkeleg sett stor pris på, seier ein særs nøgd leiar i Todalen Idrettslag, Elinor Bolme. 

Todalen Idrettslag har investert i tre nye treningsapparat på Hett & Svett. For å få plass til dei nye treningsapparata må idrettslaget no selje multitreingsapparatet for å frigjere plass til dei nye. Treningsapparatet som skal seljast er eit Multigym C80 med beinpressapparat. 

Gudmund K. Kvendset, som er godt kjent for sine mange fine kjøkkenreiskap og andre produkt laga av tre, har laga nye årer for bruk ved åresal i ungdomshuset. Gudmund har, heilt gratis, laga 200 nye årer av tolle. Desse vil no erstatte dei gamle årene, der dei eldste er langt over femti år, og har såleis gjort sitt. 

Todalsdagen laurdag 29. juni er ei viktig inntektskjelde for Todalen Idrettslag. Sjølv om det meste er på plass til arrangementet, men om du har lyst til å bidra før eller under sjølve Todalsdagen, så er det fullt mogleg. 

Under Todalsdagen 29. juni, blir det også i år Ræta opp og Mini Ræta. Ræta opp startar klokka 12:30, og i år går inntekta inntekta frå startkontingenten til det nye nærmiljøanlegget til Todalen Idrettslag på Bordholmen stadion. Ræta opp har konkurranseklasse og trimklasse, og løpet er rundt 3 kilometer langt. Premie til dei beste i konkurranseklassen, og uttrekkspremiar i trimklassen.  

Laurdag 29. juni inviterer Todalen Idrettslag til den 32. Todalsdagen på Bordholmen stadion. I går var leiarane i dei forskjellege komiteane samla til møte for å legge siste handa i planleggingsarbeidt for Todalsdagen 2024. Programmet syner at det blir ein tradisjonell dag, der den rutinerte komiteen verkar å ha full kontroll på alt bortsett frå vêret!

Todalen Idrettslag har, av Surnadal kommune, fått fire «gratisbillettar» til Eliteseriekampen mellom Kristiansund Ballklubb og Sarpsborg 08 på Nordmøre stadion søndag 2. juni klokka 17:00.

Som kjent, så fekk Toåa tursti «vaska» bort ein del av toppdekket på delar av turstitraseen under uvêra vinteren og hausten 2022. I dag har Carsten og driftsleiar i Toåa tursti, Ivar lagt på nytt toppdekke på dei plassane der uvêra i 2022 vaska dette bort. Det var Per E. Gjeldnes maskin som leverte og lasta grusen.  

Todalen Camping, som er lokalisert ved Bordholmen stadion og driven av Todalen Elveeigarlag gjennom ein samarbeidsavtale med Todalen Idrettslag, vil i år opne frå fredag 31. mai. For booking, ta kontakt med Andreas Brøndbo på telefon 401 00 296! 

Todalen Idrettslag sitt nye nærmiljøanlegg, som er under bygging på Bordholmen stadion er no med i I ein Spleis gjennom «Klubben i mitt Hjerte» Her kan folk gjennom å bli med på spleisen bidra økonomisk til det nye nærmiljøanlegget. Alle pengane som blir samla inn gjennom spleisen, går til å kjøpe fleire delar til idrettslaget sitt eksisterende vant, da dette nor har blitt litt for lite i høve til det nye dekket som er lagt.

Med blå himmel og sommartemperatur frå morgonen av var alt duka for ei vellukka feiring av nasjonaldagen her i Todalen.  Programmet var på mange måtar tradisjonellt med biltog eller «skrommeltog» som det vart kalla før.  Fortsettelsen var også tradisjonell med frukostservering i Todalen ungdomshus, men vidare vart det ein pause, før det vart gudsteneste i Todalen kyrkje kl 14, som siste post på programmet.

«Kaffekrokens venner» melder at dei har bestemt seg for å ta sommarferie frå trimmen på Hett & Svett, og heller trimme ute i vår og sommar. Dette inneber at det ikkje blir organisert trim fram til hausten.