Todalen Idrettslag

Kvass/Ulvungen/Søya/Todalen G-14 gjorde ein fin innsats under Norway Cup tidlegare i sommar. No er det snart tid for seriestart, og frå Ingri Bruset har vi fått tilsendt påminning og bilder som er teke av laget under Norway Cup. Ho skriv i e-posten: «Sender bilete av G14-laget til Kvass/Ulvungen/Søya/Todalen som var på Norway Cup. Det er tre todalingar som er med på dette samarbeidslaget. Dei hadde eit fint opphald i Oslo, og heile laget hadde det kjekt ilag såg det ut til.»

Trimgruppa i Todalen I.L. melder at dei startar på med sykkeltrim igjen onsdag 15. august. Regisstrering skjer som vanleg på Bordholmen frå kl 18.00 og utover. Det er høve til å sykle dit du vil, men du må innom Bordholmen for registrering. Der reklamerer dei for open koisk med salg av kaffe, bakels og andre forfriskningar.

I ettermiddag har Søya-Todalen-Kvass/Ulvungen J13 møtt Bergen Nord/Hovding i semifinalen i B-sluttspelet på Ekebergsletta. Tross i stor optimisme og kampvilje vart Bergen Nord/Hovding for sterke i semifinalen, og kampen endte med tap 1-3. Mari Gjul utlignet for STKU like etter pause, men bergensjentene kom sterkt attende og vann fortjent. Men J13-jentene kan være stolte av resultatet dei har oppnådd under Norway Cup og vi er imponert over den store innsatsen og prestasjonen.

To av kampane i sluttspelet er ferdig. G19 måtte finne seg i at dei møtte overmakta mot Hauketo, og gikk på eit tap på 0-2. Knut Haugen rapporterer at det var ein jamn kamp, men laget fikk ikkje utteljing for sine målsjansar i 1. omgang. Men Hauketo klarte altså det viktigste, nemleg å score 2 mål. Men den skadeskotne troppa har gjort ei fin innsats i Norway Cup, der spesielt seieren mot Sykkylven var ein sterk prestasjon.

Tysdag, som er dag 3 i Norway Cup vart nok ein liten nedtur for alle samarbeidslaga til Søya-Todalen-Kvass/Ulvungen. Til tross for iherdig innsats vart Nord 1 for sterke for J13, og sluttresultatet vart 2-3. Dei låg under 0-3 ved pause, og kom sterkt etter pausen. G14 møtte nok si overmakt i eit sterkt lag frå Team Nes, og gikk dermed på eit tap på 0-5. G19 har akkurat spela ferdig sin kamp mot Ottestad, og dei måtte også finne seg i tap på 1-2.

I NorwayCup er dei alt komne godt i gang med dag 2. Den første kampen mellom G14 og Haugfoss er ferdig, og her vart det G14 som trekte det lengste strået og vann 2-1. Vi har fått bilde og kort rapport frå vår «utenrikskorrespondent» på ballsletta:

Knut Haugen har sendt oss ein kort rapport frå NorwayCup, der dei første kampane no er spela. G19 vann fortjent kampen mot Sykkylven med resultatet 3-1. Scoringer ved Anders Boye (2) og Seppe Claessen. Men Kristoffer vart skadd etter eit kvarters tid av kampen, og er kanskje ute av cupen for i år.

I går kveld var det ein vennskapleg treningskamp mellom G19 laga Søya/Todalen/Kvass/Ulvungen og Surnadal på Bordholmen. Resultatet vart 2-0 til Surnadal, der den eine scoringa vart i forbindelse med eit straffespark. Todalen.no kom i seinaste laget til å begi seg ut på eit utfyllande referat, då dei spela innskrenka omgangar på kun 30 minutt. Men etter kommentarane på sidelinja i etterkant vann Surnadal fortjent.

Norway Cup er like rundt hjørnet. Manager Terje Nordvik for Todalen/Søya/Kvass-Ulvungen G19 (TSKU) fortel at dei fleste laget dreg til Oslo laurdag, og skal bu på Skøyenåsen skule den tida dei er i Oslo. Frå Samarbeidslaga Søya/Todalen/Kvass-Ulvungen er det 4 lag som skal delta i NorwayCup i år, og i tillegg er det 2 lag frå Surnadal.

Onsdag kveld startar G19 oppkjøringa mot Norway Cup med privatkamp mot Surnadal G19, skriver manager Terje Nordvik i ei pressemelding til Todalen.no. Kampen startar kl 18.30, og det er første kamp forsamarbeidslaget Todalen-Søya-kvass/Ulvungen etter at fotballferien noe er ferdig.

I kveld var det siste sykkeltrim før ferien. Det var mange som nytta høvet til ein sykkeltur i det fine sommarvêret, der gradstokken til slutt hamna god over 20-talet. ved registrering på Bordholmen var det også høve til å kjøpe lodd i trimgruppas sykkellotteri, og elles var det salg av kaffe og bakels.

Trimgruppa i Todalen i.L. melder om at siste sykkeltrim før ferien blir onsdag 4. juli. Det er som vanleg registrering frå kl 18.00. Elles kan du kjøpe lodd i sykkellotteriet, og du kan kjøpe kaffe og bakels, eller andre forfriskningar. Og sjølvsagt kan du sykle så langt som du sjølv vil etterpå. Kom og bli […]