Etter årsmøtet i 2020 er tillitsverva i laget fordelt slik:
Nyheter knytta til Todalen Bondelag
![Årets lam – sesongpremiere](http://todalen.no/wp-content/uploads/2012/04/gudmund_freidamene_5808_L.jpg)
Årets lam – sesongpremiere
Så er saulamminga igang! Det første lammet kom i dag tidleg i Viastua, der Gudmund kvendset var på plass for å ta i mot. Førstefødte var til alt overmål eit svart bekkerlam med kvit pannelugg. I Viastua har dei 30 lamsauer i år, og ventar at mellom 60 og 70 lam skal kome til verda i løpet av 2-3 veker. Det starta forsiktig med eit lam i dag tidleg og eit til kom seinare på dagen.
Les heile saka![Kort i nakken og fyldig ved ørene](http://todalen.no/wp-content/uploads/2012/03/GKK_Sauklipping_4930.jpg)
Kort i nakken og fyldig ved ørene
Snart er det tid for vårens vakraste eventyr som er saulamminga. Men før den startar er det tid for sauklipping, og med vinteren på hell og våren anmarsj er det nok mange som no er i gang med dette arbeidet. Gudmund Kvendset i Viastua starta jobben i dag, og sjølv om han egentleg hadde avslutta dagen, så vart nr 6052 avbroten midt i kveldsmåltidet for å vera fotomodell. Men det var fort overstått og etter nokre minutt var det overstått.
Les heile saka![Tradisjon med lunsj](http://todalen.no/wp-content/uploads/2012/02/Frode-serverer-kakao.jpg)
Tradisjon med lunsj
Todalen Bondelag har ein fin og god tradisjon: Kvart år i februar kjem dei til oss på oppvekstsenteret og serverer lunsj – eit «kjøle» populært besøk både blant små og store. Det starta opp for snart 20 år sidan (trur vi) – utgangspunktet var eit prosjekt med sunn matpakke. I dag har dei fokus både på «kortreist» og sunn mat: heimebaka brød frå Steinarstua, egg frå Pestuå, jogurt frå Utigarden og lokal mjølk i kakaoen. Sunt pålegg og grønsaker er ein del av måltidet.
Les heile saka![Landbrukskonferanse – Velkomen til bords!](http://todalen.no/wp-content/uploads/2012/02/landbrukskonferanse.jpg)
Landbrukskonferanse – Velkomen til bords!
Fredag 10. februar arrangerer Surnadal Sparebank årets landbrukskonferanse. Det skjer i Surnadal kulturhus, og i samarbeid med Todalen Bondelag og Surnadal Bondelag. Det er det foredrag av både lokale størrelsar, samt foredraghaldarar utafrå. Ola T. Heggem tek for seg landbruksmeldinga, medan Roald Boge vil orientere om vindkraft.
Les heile saka![Ola satsar på mjølkeproduksjon](http://todalen.no/wp-content/uploads/2011/11/OlaGudmundK_1013.jpg)
Ola satsar på mjølkeproduksjon
Det er nok mange som lurar på kva som skal skje i Viastua, der det er stor byggjeverksemd med utgraving og støyping av store grunnmurar etter kvart. Det er Ola som satsar på ei framtid som mjølkeprodusent, og no utvider han fjøset med ca 500 m2. Det skal bli plass til nærare 50 mjølekyr, og mjølkerobot til rundt 1,5 mill. kroner er allereie på plass og teken i bruk. Ola er ikkje redd for å satse, for han seier at det er heilt sikkert at vi treng mat i framtida også. Innan 2050 må verda doble matproduksjonen dersom det skal bli nok til alle. Noko av dette skal produserast på Kvennset!
Les heile saka![Mange tok turen til «Open dag» i Pestua](http://todalen.no/wp-content/uploads/2011/08/Steinar_Stian_7992.jpg)
Mange tok turen til «Open dag» i Pestua
Rundt 250 personar frå distriktet tok turen til Pestua på «Open gard» søndag. Både store og små kom for å sjå det nye oksefjøset med over 300 oksar og hønehuset med 7500 verpehøner og ikkje minst for å sjå dyra som var der. Det var todalen Bondelag som var arrangør, med Maren, Asbjørn og resten […]
Les heile saka![Kraftnettsituasjon – Temamøte i bondelagets regi](http://todalen.no/wp-content/uploads/2011/08/Svorka_21759.jpg)
Kraftnettsituasjon – Temamøte i bondelagets regi
Bondelaga i Surnadal og Todalen inviterer til temamøte om nettsituasjonen og korleis nødvendig opprusting av lokale, regionale og nasjonale nett skal finansierast. Lokalt er det i dag enkelte linjer som er utilstrekkelig dimensjonert, og fleire vil få problem etterkvart som meir straumproduksjon vert bygd ut, fortel ledar i Surnadal Bondelag Oddvar Mikkelsen. Han fortel at det er same problemet fleire plassar rundt landet, og det er også eit problem i det sentrale nettet til Statnett.
Les heile saka![Sett av søndagen til gardsvandring](http://todalen.no/wp-content/uploads/2011/08/Pestua_7472_L.jpg)
Sett av søndagen til gardsvandring
Todalen Bondelag arrangerer som tidlegare nemt open gard i Pestua på søndag. Der vil Maren Ansnes og Asbjørn Karlsen vere vertskap. Bondelaget, Surnadal Bygdeungdomslag og Start 4H vil stå for det faglege gjennom dagen. Her vil det bli mulegheiter for å stifte kjennskap til ulike dyr, og ikkje minst få sjå inn i eit nymoderne oksefjøs. Det heile startar klokka 12 og varer til klokka 16.
Les heile saka![Open gard i Pestua søndag 21. august](http://todalen.no/wp-content/uploads/2011/08/Pestua_7472_L.jpg)
Open gard i Pestua søndag 21. august
Søndag 21. august blir det open gard i Pestua. Det er Todalen Bondelag som er arrangør, med Maren, Asbjørn, Anders og Ingunn som vertskap. I Pestua drives det med kjøtt- og eggproduksjon, og det vil bli omvisning i oksefjøset denne dagen. I tilleg vil det nok bli mange slags dyr å sjå, mellom anna lama, kanin og lam for å nemna noko, og dette vil skje i samarbeid med Start 4H der det er fleire av medlemane som har forskjellige husdyr som prosjekt i år.
Les heile saka![Starta andreslåtten](http://todalen.no/wp-content/uploads/2011/07/slaamaskin2011_7078.jpg)
Starta andreslåtten
Todalen samdrift starta andreslåtten i dag. Det gjelder å nytte finvêret sier Ståle Ansnes som er ein av drivarane ved samdrifta. Han fortel at graset er kome langt nok, men at avlinga er berre «midt i laget». Yr.no melder bra vêr til og med laurdag, men i neste veke er det meir utrygt.
Les heile saka![Premiere på mjølkeroboten](http://todalen.no/wp-content/uploads/2011/07/Viastua_6876.jpg)
Premiere på mjølkeroboten
I dag var det blautkake i Viastua. Premieredagen for oppstart av den nye mjølkeroboten må markerast såpass. Selbyggen Oddbjørn Stamnes frå Selbu har jobba 3-4 veker med montering av ny mjølkerobot i Viastufjøset. Dette er ei stor investering, godt over ein million, og sammen med ny automatisk kraftforstall vil nok det nye utstyret lette arbeidet etter kvart. Det tek nok litt tid for kyrne å bli vant til dette, men etter kvart blir det nok kø framfor mjølkeroboten. Heile systemet er datastyrt, og held kontroll med kva kyr som er mjølka, og kor mykje kraftfor dei har fått.
Les heile saka![Liten friskus kom til verda](http://todalen.no/wp-content/uploads/2011/06/Minikalv_GudmundK_6254_L.jpg)
Liten friskus kom til verda
Det er travle tider i fjøset til Gudmund Kvendset i Viastua. Et trettital kyr skal kalve i løpet av sommaren, og til tillegg førebus utbygging av fjøset, og da blir det ein travel anleggsperiode for å kome under tak før vinteren kjem. Onsdag var det imidlertid ei spesiell hending på garden, da ei kvige fikk tvillingkalvar ute på beite. Kalvane var født ca 3 veker for tidleg, og ein kan vel si at det var lettvektere i ordets rette forstand. Den minst kalven som var kukalv, var berre 18 kg. Den andre var 2-3 kg tyngre.
Les heile saka