Stangvik Historielag

Stangvik historielags årsskrift er på plass i butikkane. 60 sider med lokalhistorie frå gamle Stangvik er samla mellom permane, og blir no bydd fram til sals. Stangvik historielag famnar området som fram til 60-talet var ein eigen kommune (unnateke Todalen som har eige historielag) og som derfor har mykje felles historie å ta vare på.

Torsdag kveld arrangerte Stangvik historielag kåserikveld på Stangvik skule. Det var den pensjonerte museumsmannen Bjørn Austigard som var invitert til å halde foredrag, og eit stort 40-tals historieinteresserte hadde funne vegen til foajen på Stangvik oppvekstsenter. Sjølv om Austigard no har pensjonert seg etter 35 år som leiar ved Romsdalsmuseet er han framleis engasjert og interessert i historia og er mykje nytta som kåsør og fagmann.

Torsdag 20. november  kl 19.15 kjem Bjørn Austigard til Stangvik skule for å kåsere. Det er Stangvik historielag som er arrangør og tama for kåseriet er «20 gjenstandar – 200 år – 1814 – 2014». Bjørn Austigard er tidlegare museumslektor og førstekonservator ved Romsdalsmuseet, nå pensjonist etter 35 år ved institusjonen. Austigard er ein populær kåsør […]

Laurdagen kom med skikkeleg godver – og da klokka nærma seg 11 og start for «vandringa» på Årnes, møtte bortimot 80 stk opp ved Kjergroneset. Her veit ein om busetnad til langt attover på 1700-talet. Svein Aarnes hadde ei kort orientering før vi starta etter «Gammelvegen», opp liene. Dette var samtidig åpning av eit «turnett» på bortimot 3 mil som er rydda og merka i Årnesliene.

Laurdag den 30. august skal Stangvik Historielag i samarbeid med Årnesgardingane arrangere «kulturvandring» på Årnes, med oppmøte/parkering ved Årnesgardane kl 11.00 (det vil bli anvist plassar for parkering). «Vandringa» startar ved Kjergroneset, ca 1 km vest for gardane. Her er det lite med parkeringsplass, så det vil bli samkjøring utover. Heile turen tek ca 2 timar, men det er muleg å «hopp tå» omtrent halvveges, da kjem ein rett ned til Årnesgardane.

Kristi Himmelfartsdag arrangerte Stangvik Historielag busstur til Sagelva Vasskraftsenter og Oppdalsmuseet. I det flotte været var det 35 forventningsfulle entusiaster som entret bussen på Rykkjem, hvor kursen ble satt mot Eidsvåg, og videre over Vistdalsheia. Nils oppfordret sjåføren til å lette på gassen da vi passerte den sagnomsuste Nesset Prestegård, slik at alle fikk med seg det inntrykket. Første stopp var på Åndalsnes for benstrekk og litt påfyll av drikke og andre godbiter.

Stangvik historielag inviterer medlemar og andre på tur til Sagelva vasskraftsenter i Brøstdalen i nærleiken av Bjorli. Det skjer torsdag 29. mai, og turen går til Romsdalen med buss frå Rykkjem. Turen går via Sunndalsøra og vidare over Visdalsheia til Åndalsnes og oppover Romsdalen til Brøstdalen.

På årsmøtet til Todalen historielag var det premiere for videofilmen Todalsfjorden minutt for minutt. Filmopptaka vart gjort i byrjinga av september 2013, på ein av dei siste turane som ferja Førdefjord gjorde mellom Todalen og Kvanne. Det var daverande ledar i Todalen historielag, Maren Ansnes, som hadde ideen til filmen og Svein åge Saksen som gjorde filmopptaka. No er DVD’n på marknaden med eit redigert opptak på rundt 30 minutt.

Stangvik Historielag avviklet sitt årsmøte på Stangvik skole onsdag 26. februar. Historielaget har hatt stor aktivitet i årets som er gått, med både nytt årsskrift, restaureringsarbeid og andre aktiviteter. Etterpå sørget Eistein Bæverfjord for underholdning med filmen «Finnguten».

Stangvik Historielag arrangerer førstkommande laurdag ei kulturell vandring til Storsetra i Stangvik. Det er oppmøte ved Bondehuset kl. 1030 og samkjøring til bommen på den nye skogsbilvegen.

Torsdag 6. juni blir det vandring i kulturlandskapet rundt fjordbotnen i Ålvundfjord.Det blir fleire omvisarar og opplegget blir etter same lest som i fjor da avslutninga av turen regna bort. Oppmøte ved skulen i Ålvundfjorden kl. 19.00. Det blir orientert om dei mange endringane i området både i landskap og bygningar berre siste 30 åra. Vi startar ved «A/S Møkkafrost» ved skulen, går nedover til idrettsplassen, innover Øran forbi Ørahusa og saga før vi går over brua til vi snur ved pakkhuset i Vågaholet. Det blir stopp på vegen for å sjå på og kommentere landskap og kulturminne slik dei var iflg eldre bilete og slik dei er no.

Måndag 13. mai inviterer Stangvik historielag til kulturvandring til Åsbøhagen og besøk i smia hos Ola Polden. Han er litt av ein tusenkunstner, og det blir nok eit interessant og artig besøk, for han har både mykje å vise fram og mykje å fortelje. Dette er den første av 4 kulturvandringar som Stangvik historielag skal ha i løpet av sommaren 2013. Historielaget ønskjer alle velkomne til å delta på lagets kulturvandringer.