Det ha vårre ein kjølin kveld – har ikkje noko meir å sei, sa Henning Sommero da han takka for hyllesten og applausen som vart han til del etter kveldens program. Kvelden starta med hans første komposisjon «Vals til mor» som han komponerte i 15-årsalderen og runda av kvelden med at Henning framførte «Kultursjå». Trygve Brøske og Jostein Ansnes var kveldens konfreransierar og batt sammen kvelden på ein framifrå måte.
Les heile saka
Surnadal kommune ønskjer ein dialog med lokalbefolkninga i Todalen om framtid bruk av barnehage- og skulebygget, og inviterer difor til møte for å få positive innspel og gode idear frå bygdefolket.
Møtet skjer måndag 30. mai kl 19:00 i gymsalen i skulebygget i Todalen. Frå Surnadal kommune kjem ordførar og kommunedirektør, og truleg 1-2 personar til frå administrasjonen. I tillegg er formannskapet invitert til møtet
I samband med Kleivakvelden er det lang tradisjon for at Kleivafondet deler ut Kleivaprisen. Det var sjølvsagt knytt stor spenning til kven som skulle få Kleivaprisen. Det er styret i Kleivafondet (Formannskapet) som tek den avgjerda etter innkomne forslag, og onsdag vart det altså bestemt at Sigrid Vetleseter Bøe skulle få prisen. Det var for klart […]
Les heile saka
Dagens konfirmasjonsgudsteneste vart ei verdig avslutning både for konfirmasjonsopplæringa for dei to konfirmantane og for vikarprest Cathrine Grutle som hadde si siste gudsteneste i Todalen kyrkje før ho flyttar herifrå. Konfirmantane har fått konfirmantopplæring det siste året, og markerer altså avslutninga med konfirmasjonsfest. I år var det to konfirmantar i Todalen – Nora Kårvatn og Shan Allan Halle
Les heile saka
Onsdag 1. juni klokka 18:00 er det fotballkamp mellom Søya/Todalen – Tingvoll G10 på Bordholmen stadion. Det blir open kiosk med sal av brus, kaffe, bakels med graut og andre forfriskingar.
Les heile saka
Todalen sanitetsforening inviterer til Kløvertur måndag 30. mai. Start frå Matkroken Todalen kl. 11:00. Blir du med på tur?
Les heile saka
Servicetekniker Jack Morstøl frå Sportsmaster AS i Tønsberg var i dag på Heitt og Sveitt for å ta ein grundig service på treningsapparata. – Dei aller fleste apparata er innkjøpt frå same firma, og med såpass mykje bruk av treningsrommet til idrettslaget, er vedlikehald på utstyrsparken våre eit must for lang levetid, seier leiar Elinor Bolme i Todalen Idrettslag.
Les heile saka
No er det komme enda ein attraksjon i Toåa Tursti. Ragnhild er ein ihuga todalspatriot, og ivrar for at kunnskap om bygda når fram til kommande generasjonar og andre interesserte. I den anledning kom det ein førespurnad om det kunne opprettast eit pop-up-bibliotek i gapahuken i Båthølen. Her kan alle som fer innom, no finne eit og anna å lese i.
Les heile saka
Tysdag 31. mai inviterer Fjellgruppa i Surnadal Pensjonistlag til tur til Hennafjellet i Heim kommune. Oppmøte på parkeringsplassen nedanfor Øye kyrkje klokka 10:00 for samkøyring til Hennset. Fjellgruppa har med seg kjentfolk som vil vise fram kor ein skal parkere, og dei vil også gå først oppover stien.
Les heile saka
26. – 29. mai er det igjen duka for Vårsøghelg i Surnadal. Vårsøghelga 2022 har eit variert og innhaldsrikt program. Der Kleivakvelden, for mange, er sjølve høgdepunktet. I år blir Kleivakvelden arrangert på Kleiva laurdag 28. mai klokka 18:00. Her kan dei skilte med artistar som: Bjørn Tomren, Mahsa Vahdat, Henning Sommerro, John Pål Inderberg, Heine Bugge, VOX og Surnadal hornmusikk.
Les heile saka
Laurdag 28. mai klokka 14:00 inviterer Todalen sokneråd til konfirmasjonsgudsteneste i Todalen kyrkje. Liturg under gudstenesta er Cathrine Grutle, medan Bernt G. Bøe er organist. Takkofferet denne laurdagen går til konfirmasjonsarbeidet på vipps 506908.
Les heile saka
Vêrmeldinga på yr.no melder skikkeleg regnvêr til helga – spesielt er laurdag utsett med nedbør opp mot 70 mm på døgnet. Saman med snøsmelting kan det gje store vassmengder i Toåa-vassdraget og sideelvane. Denne veka har det vore forholdsvis høg lufttemperatur, og stor snøsmelting som har ført til stor vassføring, utan at elvane har vore flaumstore. Vassmålaren som NVE har ovafor Storfossen har på det meste registrert rundt 40 mm i sekundet.
Les heile saka