Todalen Idrettslag

Fredag tok vi tempen på Kårvatn, arena for helgas NorgesCup i randonee. Her var alt under kontroll, både på butikken til Kårvatn Fjellustyr, på start og målområdet som ligg på bekkøya ved dalahaugen og mannskapet på som var i fjellet som vi hadde kontakt med pr telefon. Det er bra med snø – ein stor halvmeter på flat mark – både i start og målområdet, i Dalalia og i fjellet. Kort og godt fine forhold både for løparane og for publikum. Laurdag er det meldt sol og finvêr…..

Den siste veka har det sjølvsagt vore knytta stor spenning til helgavêret. Regnvêret har trua heile Norgescup-arrangementet som går av stabelen på Kårvatn i helga. No ser det ut til at vêrgudane er komne på andre tankar, og etter vermeldingane på yr.no kan arrangementet bli den reinaste skifesta i Dalalia og oppover mot Tydalsnebba. Fredag blir løypa merka opp og kontrollert med tanke på eventuell rasfare. Laurdag er det klart til start!

Onsdagar samlast ein ivrig gjeng med volleyballspelarar i gymsalen på Todalen Skule. Det er ungdomen i bygda som er initiativtakarar, og dei dominerte sist gong med sin deltakelse. Likevel var alle aldersgrupper representert, frå tenåringar, tjue-, tredve-, førti- og femtiåringar.

Februar og mars er årsmøtetid, og Todalen Idrettslag varslar i dag om sitt årsmøte som blir torsdag 12. mars kl 19.00 i Todalen ungdomshus. Fullstendig sakliste er ikkje klar enno, men blir kunngjort seinast 5. mars, melder styret. Les meir om fristar for innkomne saker og oppseiing av tillitsverv nedafor.

Laurdag kveld var todalingane samla til den årlege og tradisjonsrike «Hjortfesta» i Todalen ungdomshus. Hjortfesta markerer at jaktsesongen er slutt og er ei slags sosial evalueringskveld i regi av Todalen idrettslag, der vertskapsrolla går på omgang mellom jaktlaga i bygda. I år var det jaktlaget på sørsida (Bruset/Øya/Ørsal/Halset) som hadde oppgåva som verstskap, og dei inviterte til varmrett – utsøkt viltgryte med råvarer av eigen fangst.

Onsdag kl 19 blir det oppstart med volleyball i gymsalen ved Todalen skule igjen. Det er den yngre garde i bygda som dreg i gang arrangementet, men dei håper at den eldre garde stiller også.

Etter siste mildvêret vart det skart og hardt føre i den nye lysløypa på Tjønnmyran. Laurdag ettermiddag vart heile løypa fresa skikkeleg opp, og det var køyrt på nytt spor. Ypperleg forhold for den som vil ta seg ein ettermiddags- eller kveldstur i løypa, fortel Ståle Ansnes som var der med traktor og løypemaskina.

Det kalde været dei siste dagane har vært til stor hjelp både for produksjon av snø i Sæterlia og is på Bordholmen. Isen er klar til bruk, og Todalen Idrettslag har både køller, puck, mål – og noen få skøyter til utlån, melder Knut Bergli i T.I.L.

Hjortfesta som var planlagt i fjorhaust blir arrangert laurdag 31. januar, fortel festleiar Håvard Halset, som oppfordrar til å kome på fest. Denne gongen er det jaktlaget på sørsia som er arrangør, og dei har mykje å by på denne kvelden – mellom anna ein velsmakande viltmeny.

Søndag inviterte Todalen I.L. til skitreff i den nye lysløypa på Tjønnmyran, og det var eit populært tiltak med både stort frammøte og stor aktivitet både i og utafor sporet. Med passe aktivitetsnivå, supplert med bålpanne og varm drikke klarte alle å halde varmen, sjølv om nokre få kuldegrader og litt auståvind beit godt.

Det nye lysløypeanlegget på Tjønnmyran er ferdig og teke i bruk. I samband med drifta av det nye anlegget, nyttar driftsstyret høvet til å tilpasse mannskapet i gruppa. Endringane som blir gjort er førebels, og gjeld fram til årsmøtet seinare i vinter, fortel Terje Nordvik, som leiar gruppa som har ansvar for alle vinteranlegg, løypekjøring og for skihytta.

Ski-og friidrettsgruppa startar opp med ski-treff i den nye lysløypa på Tjønnmyran søndagar framover. Første treffet blir førstkommande søndag, 18.jan kl 14.00. Her er skiløparar i alle aldrar er velkomne til å være med. Ski-gruppa stiller med varm saft.