Vi minner om at det er gudsteneste i Todalen kyrkje søndag 20. januar.  Det er 3. søndag i openberringstida, og prekenteksta er henta frå Joh 1, 15-18. Det er sokneprest Bernt Venås som forrettar.

Neste laurdag, den 26. januar , står idrettens festkveld på programmet i Surnadal kulturhus. Det er Surnadal Idrettsråd som er arrangør, og dei reknar med fullt hus i Storstua denne kvelden. På idrettens festkveld skal det delast ut 3 prisar: årets prestasjon, «Årets ildsjel» og «Publikums ærespris». Når det gjeld «Publikums hederspris» kan du væra med og bestemme kven som er fortjent mottakar. Slik kan du røyste på din kandidat:

Les heile saka

Like sikkert som det er møbelmesse i Köln i Tyskland kvart år, så er det Todalsabend – Todalskveld – der todalingar og todalsvener treffes. Det skjer på ein restaurant, både for å nyte god mat og drikke, og for ha det triveleg i lag. Det er Terje Nordvik som er intiativtakar til dette arrangementet, og i tillegg til andre todalingar så var det folk frå heile landet, samt frå Sverige, Danmark, Tyskland og kanskje fleire. Litt spesielt var det i år, for i år har dette arrangementet 20-årsjubileum, men Todalsabend er nok godt etablert som tradisjon.

Les heile saka

Fredag kveld kjem TrondheimSolistene til kulturhuset for å halde konsert. Det er 10. gongen, og det er stort og ærefylt for oss å få besøk av dem, seier kulturhussjef karstein Telstad.  Det er kvalitet over det dei framfører, men samtidig har dei ein lett tone med mykje lun humor. Konserten startar kl 19.00, og billettar kan du kjøpe ved å gå inn på linken for Billettluka.

Georg Mossing var i dag ein tur ute på sjøisen på isfiske. Han hogg seg gjennom isen utanfor Ansneset, og som ein kan sjå på biletet er isen 19 cm tjukk.
Som oftast er isen enda tjukkare innanfor Holmen så han meinte det skulle være greit å driste seg utpå ein tur eller to i helga.

Det er no kanskje rundt 6-7 år sidan sist Todalsfjorden hadde ein så fin og tjukk sjøis, om underteikna ikkje minnst heilt feil. Og då var det knappsett med folk på isen i helgene, både fiskarar, sparkarar og skøytarar. For å komma seg utpå kan det nok anbefalast å starte i båthavna, men unngå utløpet ved settefiskanlegget, der det er eit parti ope vatn.

Les heile saka

Surnadal I.L. arrangerer  KM klassisk og sonerenn for klassane 8-10 år. Det skjer søndag 20. januar kl 12 på Norsdmarka skisenter, og påmeldingsfristen er torsdag 17. januar, og påmelding skjer på Klubben online, men du kan også melde deg på via telefon eller e-post til Surnadal I.L. v/Eivind Sponås.  Finn fram langrennskiene og meld deg på!

Indre Nordmøre forsvarsforening arrangerer laurdag 26. januar prøve til skiskyttarmerket. Det foregår denne gongen på Toresetra i Bæverdalen, med start kl 13. Det blir militært program med militært utstyr, og du går 10 km langrenn og skyter 10 skot med AG3. men dei har også flerire aktivitetar på lur utover våren:

Les heile saka

Det siste kruset for månadens bilete i 2012 går til Arne Kjær for biletet Lys over dalen. Vi gratulerer, takkar alle bidragsytarar og lovar at premien blir overbragt snart. I det siste har vi hatt underskot på bidrag til dagens bilete, så vi oppfordrar alle til å sende inn bilete til oss.

Les heile saka

Er du lei magefettet, har vi løysinga for deg: Velværesentret kan styre treningsprogrammet ditt utover vinteren, der du gjennom 6 vekers program ffår trening, veging og måling, samt kosthaldråd. Med dette programmet har du god mulegheiter for å lykkast. Velværesentret har kjørt 2 omgangar med slike kurs i 2012, og har oppnådd gode resultat, fortel dagleg leiar Ann Kristin Bruset.

Les heile saka

Måndag hadde Talgø premiere for sine nye websider på www.talgo.no. Dei nye websidene er heilt nyutvikla, og den største endringa er nok at fokus er skifta frå produksjonsstad til produkt. Alle produkta kjem no frå Talgø, og er samla i produktgrupper. Enkelt og oversiktleg, og med låg brukarterskel for å finne fram, seier marketingsjef Heid Snekvik.

Les heile saka

Årets hjortfestkomite er snart klare for å be inn til Hjortfesta 2012. Laurdag brakar det laus med utdeling av «Den gyldne patron», servering av viltmat (?) og nytt av året; kåring av årets jaktlag med jaktsimulator. Her skal dei fire jaktlaga i bygda møtast til dyst i presisjonsskyting med bruk av skytesimulator. I den anledning opnar arrangørane dørene til Todalen Ungdomshus onsdag 16. januar kl 18 og utover for prøveskyting. – Dei andre jaktlaga skal i allefall ikkje få skulde på at dei ikkje har fått prøve før dei tapar, seier Lars Sæther i Kvendset jaktlag til todalen.no. Så da er det berre å møte for dei aktuelle jegarane på Halle/Husby, Bruset/Øya/Halset, Talgøy/Kårvatn og Kvendset jaktlag for å ta en runde med prøveskyting.

Les heile saka

Skøyteisne på Bordholmen er flittig bruka på helg. Den er i topp stand etter den lengre kuldeperioden vi er inne i, og idrettslaget har no kjøpt inn litt meir køller og puckar. Ikkje så alt for mange var der i går søndag, men ein real ishockeykamp vart det fordi. På kveldstid er det muligheiter for […]

Les heile saka