Litt over to år etter at hengebrua over Toåa i Brusetmarka over til Heggøysida, fekk skade av vind, har stormen som herja i går ettermiddag og kveld skada den ytre wiren slik at hengebrua har vorte skeiv. Svenn Rune Kjølstad, som er nabo til hengebrua, advarer på Oppslagstavle Todalen folk å ferdast over brua, spesielt no når det er snø og is, advarer han.
Les heile saka
I går var det ein stor dag med selebert besøk av både preses, biskop og prost i Todalskyrkja, men for lille Ebba med etternamn Ansnes var nok dagen i dag enda større. Under søndagens gudsteneste vart ho båret til dåpen i kyrkja, og fekk altså namnet Ebba. Søndag var det ordinær gudsteneste i kyrkja, og dåpshandlinga var altså ein del av gudstenesta på same måten som nattverden var det.
Les heile saka
Utover ettermiddagen var det skikkelege vindrosser som gikk oppover bygda – faktisk var målingane tett opp mot orkan i kasta. Kristen Bruset har ein målestasjon som også måler vind, og laurdag ettermiddag var det målt 30 m/sek i Brusetnesset. Det vart i meste laget for eit av dei store tuntrea på Todalshytta, og dermed bar det overende med det store treet.
Les heile saka
Frå torsdag til i morgon, søndag, er Møre bispedøme og biskop Ingeborg Midtømme vertskap for preses i Bispemøtet Olav Fykse Tveit, som er desse dagane er på nordmørsbesøk. I dag tok dei to, saman med prost Vidar Wilhelmsen Rygh i Indre Nordmøre prosti turen til Todalen. Først var dei innom kaffekroken på Matkroken Todalen for ein uformell samtale og kaffelag, før turen gikk vidare til Todalen kyrkje for aftensong der.
Les heile saka
Det har vore meldt mykje vêr og ekstremvêr i fleire dagar no, men det er nok utmed kysten og nordover i landet dei har fått mest møling med både full storm og orkan i kasta. Fredag var det nok mykje regn, men sjølv om Toåa og andre elvar voks opp, så har det ikkje vore flaum. Størst var no Toåa i 4-tida i natt, og i løpet av natta har det nok vore ein del isgang, men ikkje noko skade.
Les heile saka
Rute 1061 Kvanne – Rykkjem: Grunna dårleg ver vert sambandet innstilt inntil vidare, melder Fjord1 til Todalen.no i dag kl 13:22.
Laurdag kveld melder Fjord1 at sambandet blir innstilt ut kvelden.
Normal drift frå avgang kl 07.30 frå kvanne laurdag morgon.
Linn Skåber si bok, Til oss – fra de eldste, har vorte teaterforestilling, og torsdag 8. februar klokka 12:00 kan du få den med deg i Storstuå på Surnadal kulturhus. Hør Astrid Overaa fortelje om livet og alt vi må gjera før vi trur det er for seint. Førestillinga er ei «bridgeblanding» av song og musikk, latter og ettertanke. Historiene er, som nemnt, henta frå Linn Skåber si populære bok, og Astrids eigne tankar om å bli eldre.
Les heile saka
Søndag 4. februar klokka 11:00 inviterer Todalen Sokneråd til gudsteneste i Todalen kyrkje. Under gudsteneste vil det bli både dåp og nattverd. – Eg vonar folket ikkje er heilt utslitne etter bispebesøket laurdag, så somme (helst mange) finn vegen til kyrkja også søndag, seier fungerande sokneprest, – Det vert dåp av ei lita jente, og for meg vert dette litt spesielt, for eg døypte mora til jenta for om lag 30 år sidan!, legg han til.
Les heile saka
Todalen Idrettslag, kopierer gjengen i Korsen, og inviterer til «Pop-up» bruktmarked i Todalen ungdomshus laurdag 17. februar klokka 12:00 – 15:00. Her kan du leige bord til 100,- kroner og selge ting du ikkje lenger har bruk for, som til dømes: sko, ski og anna sportsutstyr, pene klær, bestikk, dekketøy, bøker, vesker, sekkar, bagar, reiskap og mykje meir. Det einaste du betaler er altså 100,- kroner for å leige bord, resten er ditt! Det er også lov å selge ting du har laga sjølv. Dette er eit godt bidrag til reell berekraft!
Les heile saka
Talgø er godt vant med priser for beste messestand gjennom en årrekke. Denne uken er ikke noe unntak, og den 29. og 30 januar arrangerte XL-BYGG sin årskonferanse BYGG 2024-messen i Lillestrøm. Her stakk Talgø av med prisen for årets messestand, skriver XL-BYGG på sine nettsider.
Les heile saka
I går kveld hadde Barne- og ungdomsgruppa i Todalen Idrettslag invitert til balleik i gymsalen ved Todalen skule. Og responsen på invitasjonen var god, og eit tosifra ungar i grunnskulealder møtte opp for å vere med på ein time med balleik. Ola Dalsegg og Anders Gjeldnes leia balleiken. Først var det Tarzansisten som oppvarmingsøving. Etter […]
Les heile saka
Rute 1061 Kvanne – Rykkjem: Grunna dårleg vêr har sambandet vore stengt tidlegare i kveld. Det er nok ikkje kvennaferja åleine om – mange ferjeruter og hurtigbåtruter er innstilt i kveld. Dersom du skal ut å reise bør du sjekke kva ferjeruter som går på Frammr.no eller fjord1.no
Det vert normal drift i sambandet igjen frå kl. 20.50. Fjord1 vurderer værsituasjonen fortløpende utover kvelden, og sambandet kan bli innstilt på kort varsel, skriv Fjord1 i ei melding.