Todalen Idrettslag

Denne veka blir det spela heile tre fotballkampar på Bordholmen. Tirsdag 3o.8 møter Søya/Todalen G12 Surnadal 2. Onsdag 31.8 møter Søya/Todalen G10 Surnadal 5 i nok eit lokaloppgjør. Og torsdag 1.9 er det Kvass/Ulvungen/Søya/Todalen G13 som gjorde det så bra i Norway cup som møter Elnesvågen.

Bli med på Trollheimsmarsjen, oppfordrar I.L. Ulvungen og Todalen I.L. Trollheimsmarsjen er eit samarbeidsprosjekt mellom dei to laga, og marsjen har start på Bordholmen stadion i Todalen, og går over fjellet til Ålvundeid og har målgang på Leikvoll stadion – tilsaman rundt 13 km frå start til mål.

I morgon klokka 18 er det oppstart med ein ny runde lagseriestemne fortel Ingeborg Myrvang til todalen.no. Da er alle ungar i bygda inviterte til Bordholmen for å teste ut sine ferdigheiter innan alskens friidrettsgreiner som lengde, ballkast og sprint for å nemne noko.

Da har vi mottatt nok eit bilde som viser ny banerekord på den populære frisbeegolfbanen på Bordholmen. Gofarane i Surnadal Frisbeegolf har ved fleire anledningar besøkt Todalen for å gå runden, og med stor sansynlegheit slå tidlegare rekord. Sist søndag var det Eskil Mogstad, Vetle Kvande,  Stein Todalshaug, Einar Sæterbø og Sander Reiten som var ute på nye […]

Laurdag spela Surnadal sitt herrelag mot Rollon 2, som også ligg nederst på tabellen i 3. divisjon. Surnadal gjekk dessverre på nok eit tap, trass god tru på at dei skulle vinne på forhånd. Frikk Hauglann Talgø spela sin første kamp på lange tider, etter ein skade i vårsesongen, og vart kåra til banens beste med sitt innhopp i 2. omgang.

Redaksjonen har motteke nok eit bevis på ny banerekord på frisbeegolfen på Bordholmen. Ingen tvil om at dette engasjerer dei som driv med sporten, da det denne gongen er ein surnadaling som har sendt oss eit bilde av sin runde. Ove Nortun har dermed rekorden på 21 kast.

Knut Bergli i fotballgruppa melder om at den tidlegare omtala fotballkampen i morgon mellom Todalen og Søya er utsett til eit seinare tidspunkt. Grunna kraftig regn er banen midlertidig stengt.

I ettermiddag dumpa det ned ein epost om ny banerekord på frisbeegolfbanen på Bordholmen. Som nemnt tidlegare var banerekorden på 23 kast. Eit snitt på 2,55 kast per korg. No med eit snitt på 2,44, og 5 under par som de ser av oppsettet under.

Laurdag er det dags for sommarens store lokaloppgjør på Bordholmen. – Da braker Todalen (A-lag/Old boys) saman med Søya, med Terje Nordvik som myndig og upartisk dommar.

Da er fotballeventyret også over for KUST G13. Dei møtte litt over 17 Vestre Akers SK, som tok leiinga og held denne med 2-0 til pause. Dette var eit lag som var hakket sterkare, men i følge IL Søya si facebookside hadde keeper Henrik Kvande-Talgø fleire strålande redningar i andre omgang som gjorde at gutane held seg inne i kampen.

Gutane på G13 fikk ein forrykande start på sin 1/16 delsfinale mot Lillestrøm no i dag. 1-0 nesten rett etter avspark av Lang Valset, og Ola Valset fortsatte med 2-0 like etter. Lillestrøm mista ikkje piffen for det, og utligna med to kjappe mål rett etterpå, før Ola Valset drog til med 3-2, og deretter 4-2 til pause.

Gutane på KUST G13 er akkurat ferdig med dagens kamp mot Oppsal, og det meldes om seier og stormende jubel i leiren! Det sto 0-0 til pause, men med kvart sitt mål av Erik Husby og Marcus Brein Gikling etter at Oppsal tok leiinga tidleg i 2. omgang. Dette betyr 1/16 finale i morgen kl 12.20, mot Lillestrøm.