Todalen Idrettslag

Ei knippe ungar var i dag på Tjønnmyra og «rasa frå seg» i løypa og anlegget rundt. Her var det også rå å få kvile seg med ei pølse eller to rundt bålpanna om behovet meldte seg.

Torsdag er det årsmøte i Todalen IL, og styret har sendt oss fullstendig sakliste til møtet. Her blir det ordinære årsmøtesaker, samt en del innkomne saker. Møtet starter klokken 19 i Todalen Ungdomshus.

Todalen IL inviterer store og små til skileik på Tjønnmyra førstkommande søndag mellom klokka 14 og 16. Det ryktast om knallfine forhold etter ein lang kuldeperiode.

Frå Bård Smedstad har vi fått tilsendt film frå både laurdagens og søndagens randonee på Kårvatn. Mange fine minutt med reklame både for sporten og naturen vi er omgitt av.

Det går knappast an å kome nærare drømmeforhold enn kva dalalia kunne by på under dagens norgescup i vertikal. Knappe halvtimen, eller heilt nøyaktig 29,44 bruka Vegard Øie på turen frå starten ved Dalahaugen og opp til høgde 904 ved Kvennåbotn.

Det var over 60 deltakarar under laurdagens norgescup på Kårvatn i Todalen. – Gledeleg at deltakartalet er på veg opp, og at det no ser ut til at trimmarane strøymer til for å delta, seier Gudmund Kårvatn. Gudmund var primus motor og initiativtakar til å bruke Dalalia til arena for randonée-satsing i si tid.

Da vi snakka med Sondre Svensli i kveld gledde han seg til å teste EM-forma i Dalalia i morgon. Han deltok i EM på Sicilia i slutten av februar som einaste norske deltakar i juniorklassen. For Sondre vart beste plassering ein 10-plass, og det er han godt nøgd med. Men laurdag er det altså Dalalia som gjeld, og det er kjempefine forhold med puddersnø og vêrgudane er i godlynne, seier rennleiar Nils Ove Bruset.

No er det nyoppkøyrde spor og retteleg godt skiføre i skianlegget oppå Tjønnmyrå. I dag skein sola, ho vermde godt i området rundt gapahuken,  – litt mindre sol i den ytste delen av løypa. Så det er berre å ta fram skiene for å nyte vinter, snø og ski på Tjønnmyran.

Stikk UT!-kontakt i Surnadal, Norunn Holten, melder at no er det opna for Stikk UT! Ski oppå Tjønnmyran. Postkassen med bok og kode er på plass, og forholda er fine. Rundturen oppå Tjønnmyrå er på 1,6 km, stigninga er berre på 40 m. Turen har grøn kode, altså ein enkel familietur. Og så ligg det godt […]

Svorka brukar inntil ein million kroner årleg på sponsing av lokale aktiviteter i Surnadal, Rindal og Halsa. På Svorka si heimeside skriv dei at det er viktig for dei å ta eit aktivt samfunnsansvar, og gje noko tilbake til lokalsamfunnet. Som stolte sponsorar presenterer dei kvar månad eit lag eller ei forening som mottek støtte. I februar er det Todalen […]

Første helga på mars står Todalen I.L. som arrangør av norgescup i randonée i Dalalia på Kårvatn. Heilt sidan 2010 har Todalen I.L. stått som arrangør av både uoffisielle og offisielle norgesmeisterskap og norgescup-renn, og står faktisk på terskelen til å få internasjonale arrangement, fortel rennleiar Nils Ove Bruset.

Årsmøte i Todalen Idrettslag blir halde i Todalen Ungdomshus torsdag 15. mars 2018 kl. 19:00, melder styret i laget. Den fullstendige saklista for årsmøtet er ikkje klar enno, men det blir vanlege årsmøtesaker og eventuelt innkomne saker. – Fullstendig saksliste blir tilgjengeleg frå seinast 8.mars. Innkomne saker må vera meldt til styret innan 1.mars.