Todalen Idrettslag

På søndag deltok Søya/Todalen/Kvass/Ulvungen sitt G11 lag på Sodvinhallcup på Kyrksæterøra. Turneringa vart dermed meir som ei sesongavslutning å rekne, med felles minibuss og pizzakalas før heimreise på fotballgutane frå Todalen, Kvanne og Ålvundfjorden.

Det var god gammeldags basarstemning da Ski- og friidrettsgruppa arrangerte basar sammen med Trim- og allidrettsgruppa. På denne basaren er det tid for premiering for deltaking både på lagseriestemna, Barn i løypa og andre aktivitetar som har vore arrangert i lysløypa på Tjønnmyran.

Søndag 27. oktober arrangerer Todalen Idrettslag, trim-, ski- og friidretssgruppa basar i Todalen ungdomshus. På basaren som startar kl. 16.00 blir det ordinært basarbord med massevis av flotte gevinstar – ikkje minst hovudgevinsten som er eit par randoneeski av årets modell. Ca kl. 17.00 blir det utdeling av premiar for deltaking på lagseriestemna og aktivitetar på Tjønnmyran. Trimgruppa deler ut krus til deltakarane på trimaktivitetar på trimbøkene og så blir det lysbildekåseri! Fredag og laurdag er det førehandssal av lodd på Matkroken.

Torsdag kveld var ein liten gjeng oppmøtt for å planere grusen etter graving og oppgrusing av turstien ved Oddøyhølen i retning Halsabrua. Og med den effektive gjengen, vart siste ankomne dugnadsdeltakar for sein til å delta. Nils Ove Bruset fortel at dugnadsarbeidet i 2019 no er ferdig.

Fleire har kanskje oppdaga at det har vore gravearbeid i nedre del av turstien. Grunneigar Ola Kvendset har den siste veka teke bort matjord og lagt på grus på deler av stien der han eig. Her er ikkje grusen planert enno, og derfor trengs ein liten dugnad til å planere utover før frosten gjer sitt inntog.

Det er nok litt tidleg med julebord enno, men det er på høg tid å starte planlegginga for å sette av datoen, seier Nils Ove bruset som er leiar i Todalen Idrettslag. – Vi skal bygge vidare på julebordsuksessen frå i fjor, da rundt 70 personar deltok i julebordsfeiringa i Ungdomshuset. I år er det laurdag 23. november som er den magiske datoen for mykje god julemat og mykje julestemning i Todalen ungdomshus.

1. oktober er skillet på nytt og gamalt trimår hos Todalen IL. Da tek trimgruppa ned alle trimbøkene dei har utplassert på 10 ulike plassar rundt om i bygda og startar opp att med blanke ark. Dei mest populære postene har det siste året vore Gunnøya og Talgøsetra. Talgøsetra er nok ekstra godt besøkt i år både fordi det er StikkUt-post og bokstavpost hos Surnadal IL på Bjøråskaret.

Bortsett frå ein pause i ferietida har Ski- og friidrettsgruppa arrangert lagseriestemne gjennom heile sommaren. Torsdag kveld var det tid for å avslutte utesesongen og da var det naturleg å samle heile gjengen på Tjønnmyran og satse på litt sosiale aktivitetar og litt kos den siste kvelden. Men først var det terrengløp, og her var det full innsats rundt til lille traseen, med start og målgang ved gapahuken.

Torsdag kveld kl. 18.00 blir det sesongavslutning for lagseriestemna på Tjønnmyran, melder ski- og friidrettsgruppa i Todalen I.L.  Det blir terrengløp og klatreaktivitetar for borna, og sjølvsagt litt kos med bakels og saft/kaffe etterpå.  Kom og bli med!

No nærmar det seg jul med stormskritt, og like sikkert som pinnekjøtt og ribbe er 3. dagsfest med underholdning i Todalen Ungdomshus. I forbindelse med årets festunderholdning frå scena, blir det ei lita oppstartssamling, der vi summar oss litt rundt årets program.

KBK har dei tre siste sesongene hatt todaling Kevin Anders Brusethaug med i sin spelarstall. Kevin fekk tilbod om å komme til klubben da han skulle på vidaregåande utdanning, og valget for den hardtarbeidande fotballgutten vart derfor lett. No på tredje sesong spelar han fast både på G19-årslaget, og på KBK 2 som ligg på toppen av 4. divisjon.

Nystekte bakels, lunka smørgraut og glovarm kaffe gjorde susen for publikumarane som tok turen til Bordholmen for å få med seg lokaloppgjøret mellom KUST og Surnadal 1 i kveld. KUST-laget  tok leiinga frå start og med god hjelp frå ein habil keeper Tor Asbjørn Karlsen vart det så heimelaget leda til pause.