I siste halvdel av mai blir den 13. utgåva av Surnadalsmagasinet distribuert til alle husstandane i Surnadal, Rindal, Sunndal, Tingvoll, Heim, Aure, Smøla, Orkland, Rennebu, Oppdal og Kristiansund kommunar. I år er første gongen magasinet også blir distribuert i Kristiansund.
Som eit instikk i magasinet vil det bli ein «Aktivitetskalender Surnadal 2025» som vil vise alle aktivitetar og arrangement i Surnadal kommune frå mai og resten av året. – Jeg håper alle lag/foreninger og alle andre, som har en aktiviteter eller arrangement fra mai og resten av 2025 melder dette på stig.husby@olavthon.no innen søndag 23. mars, seier Stig Husby som er avdelingsleder for reklameavdelinga til Olav Thon Gruppen i Surnadal
Magasinet blir også tilgjengeleg digitalt, og blir på den måten tilgjengeleg både nasjonalt og internasjonalt. Surnadalsmagasinet er eit samarbeidsprosjekt mellom Surnadal kommune, Surnadal Næringsforening og Reklameavdelinga til Olav Thon Gruppen.
Den 13. utgåva av Surnadalsmagasinet vil ha fokus på lokalsamfunnet, der lokalt næringsliv og handel spesielt vil vere i fokus.
– Da har alle som skal arrangere noe fra mai og ut året en glimrende mulighet til å få markedsført aktiviteten eller arrangementet sitt helt gratis, avsluttar Stig Husby i Olav Thon Gruppen.
Under ser ein korleis «Aktivitetskalender Surnadal 2024» såg ut.