Det blir etter kvart mørke haustkveldar, og aktuelt å starte med sjakk-kveldar igjen. Dei siste par vintrane har det vore sjakk annakvar søndagskveld på Matkroken og i tillegg ei sjakkturnering med storstila finale i Todalen ungsomshus på 2. påskedag. Sjakkgjengen lurar no på om det er steming og interesse for i slik sjakkturnering også for komande vinter. No er det forslag om slik turnering igjen, med visse tilpassingar og justeringar. Bla om, og les om planane som blir presentert der !
Todalen Sjakklubb – plan for vinteren 2016/2017 Av Terje Nordvik
Da er det vorte haust, og det er vel på tida og starta opp med sjakkspel att! Vi har planar om å endra litt på sjølve sjakkturneringa i vinter. Tidlegare har vi hatt to grupper a 8 personar, og vinnaren av kvar gruppe har spela gullfinale og toarane har spela bronsjefinale.
I år har vi tenkt og setta opp ei terminliste der alle spelar mot alle, og dei to som da har mest poeng etter ferdig spela serie (før påske), skal spela finalen oppi Ungdomshuset 2. påskedag (kl 17.00).
Det er 1 poeng for seier og 1/2 poeng for remì, og 0 poeng for tap
Kvar spelar skal spela mot ein ny person kvar veke (2 kampar kvar gong – kvit og svart, og kvar kamp skal ikkje vara lenger enn 60 minutter (30 min på kvar). Det blir da 2 timar sjakkspel kvar gong ein spelar. Den som står på terminlista først, skal invitera makkeren heim til seg eller til kaffekroken, og skal starta med kvit. Kampen kan spelast hvor som helst, og når som helst i løpet av veka! Og det blir høve til å spela kampar på butikken (kaffekroken) kvar søndag mellom kl 19.30 og 22.00. Minst mogleg med hengekampar – det er noko skit !!!
Med dette opplegget håpar vi at også skuleungdom som er heime om helgane også vil melda seg på dette opplegget. Kan da spela både fredag kveld, lørdag og søndag.
Til no har vi hatt kun ein spelarar utafor tunellen (Bernt Venås) . Vi håpar at dette talet blir auka i år, så vi oppfordrar både Nordvikgardingar, Kvennalandingar og andre til å melda seg på. Vi sett eit tak på 16 spelarar, – så først til mølla !!
Alle kampar skal etter kvart som dei er ferdig spela rapporterast til vår «generalsekretær» Anders Talgø på sms eller mail. Resultat av begge kampane
PÅMELDING:
Vi oppfordrar derfor no alle interesserte til og melda seg på vår sjakkturnering:
Send en mail til: anders.talgo@svorka.net eller ring han på tel 975 90 717
Teknisk arrangør: Ståle Ansnes, Trygve Halle og Terje Nordvik