Det var Surnadal kommune og Surnadal storviltvald som tysdag kveld inviterterte jaktinteresserte og andre til viltkveld i kinosalen. Erling Meisingset og Lars Olav Lund var hyra inn som foredragshaldarar i tillegg til Tore Gjul som heldt i trådane.
Lars Olav Lund frå SNO fortalte om arbeidsdagen i Statens Naturforvaltning og og reinsprosjektet på Sør-Georgia i 2014. Foto Jon Olav Ørsal
Lars Olav Lund var først ute, og starta med å informere om verksemda og arbeidsoppgåvene til Statens Naturoppsyn (SNO). Viktigaste funksjonar er rovviltoppdrag, som går ut på bestandsregulering, skadedokumentasjon og gjennomføring av tiltak – men det er andre som gjer vedtak om tiltak .
Lars Olav viste og lysbilde/videoopptak frå opphaldet på Sør-Georgia, der oppdraget til SNO var å utrydde reinsdyra som var sette ut som ein «ferskkjøttressurs» først på 1900-talen. Her hadde 17 reinar vorte til fleire tusen etter kvart, og gjorde stor skade på vegetasjonen og anna dyreliv i området.
Det er vel ingen som har større kunnskap om hjorteviltet enn Erling Meisingset frå Tingvoll – tysdag hadde han og gaupeprosjektet på Tingvoll på agendaen. Foto Jon Olav Ørsal
Nestemann ut var Erling Meisingset – han orienterte om gaupeprosjektet på Tingvollhalvøya, der måle var å finne ut kva effekt den store gaupebestanden har på både bufe og hjortevilt i området – ei interessant og aktuell betraktning kastar lys over det mystiske kattedyret. Jobben har bestått i bestandsovervaking, merking og sporing. Totalt er det rundt 6-9 gauper i området, og 2-3 familiegrupper.
Erling har også jobba med hjorteforvaltninga i Surnadal kommune, for å prøve å finne meir info om avskyting og bestandsutvikling og korleis. Når det gjeld hjorten, så er det ein stabil bestand i Surnadal, medan det er framgang både i Sør-Noreg og på Austlandet. Når det gjel elgen så er det tilbakegang over heile landet – det er grunna klimaendringar som elgen taklar dårleg. Meisingset har jobba med hjortevilt som spesiale i mange år, og er ein av dei fremste i heile landet på det området. Etter kvart får vi sjå om teoriane han stemmer med fakta.
Tore Gjul sette fokus på den nye viltressurslova som trer i kraft neste år. Elles hadde han mange tal frå hjortejakta i Surnadal kommune – hjorteteljing, tildeling og avskyting. Foto Jon Olav Ørsal
Sist ut var Tore Gjul, som er skogbrukssjef i Surnadal kommune. Han orienterte om den nye viltressurslova som vil tre i kraft 1.7.2026 – den vil erstatte og modernisere viltlova frå 1981, som etter kvart har vorte forelda på mange områder. Vidar presenterte Gjul statistikk frå både viltteljing, tildeling for jakt og statikk for både sett vilt og felt vilt. I Surnadal kommune vart det i 2024 felt 38 elgar (6 av disse i Todalen) og 381 hjortar med stort og smått (39 av disse i Todalen).
mange jaktinteresserte var møtt fram på Viltkvelden i Kammerset (kinosalen) i Surnadal kulturhus. Foto Jon Olav Ørsal