Torsdag 9.september tilbyr Surnadal kommune Pfizer-vaksine til alle 16 og 17-åringar som har bustadadresse i Surnadal kommune og/eller er elevar ved Surnadal vidaregåande skule.Vaksineringa foregår mellom kl. 9.00 -13.00 på Surnadal kulturhus.
Innkalling og bestilling via SMS frå c19
Alle vil motta ein SMS frå c19 i løpet av fredag 27.august. I meldinga står det at du er prioritert for koronavaksine. Linken i meldinga er til nettsida c19.no. Dette er same nettsida som vi brukar til bestilling av både koronatest og koronavaksine i Surnadal.
Dette gjer du:
På c19.no velger du Bestill koronavaksinasjon. Deretter loggar du på med ID-porten med din BankID og takkar JA. Følg instruksane. Du får tildelt klokkeslett, bås og setenummer til vaksinasjonen på Surnadal kulturhus. Du får ein ny SMS med påminning dagen før.
For deg som ikkje har eigen BankID, så kan ein av dine føresette bestille for deg med sin BankID og legge inn ditt fødsels- og personnummer og mobilnummer i bestillinga. Akkurat som når ein bestiller koronatest for andre.
Ta med eigenerklæringsskjema og samtykkeskjema
Alle som ikkje har fylt 16 år innan vaksineringsdagen må ha med eige utfylt samtykkeskjema frå føresette. Alle over 16 år bestemmer sjølv. Ved delt omsorg må dette signerast av begge føresette. Alle skal ha med ferdig utfylt eigenerklæringsskjema på vaksinasjonsdagen.
- Lenke til Samtykkeskjema for føresette – Vaksinering av barn og unge som ikkje har fylt 16 år
- Lenke til Eigenerklæringsskjema til deg som har fått tilbod om koronavaksine
- Lenke til Informasjonsark om Pfizer-vaksinen (Comirnaty)
Elevar ved Surnadal VGS kan ta kontakt med helsesjukepleiar eller skulen for spørsmål. Øvrige bes ta kontakt med kommunen på epost vaksine@surnadal.kommune.no eller vaksinetelefon 913 79 001. Har du medisinske spørsmål, kontaktar du fastlegen.