«Give Me 5» er tilbake, og denne gongen vil dei få besøk av Rasmus og Verdens Beste Band. Konserten er allereie i morgon, torsdag 21. april på Surnadal kulturhus klokka 19:00, og det er framleis billettar att til konserten med bandet attom kjente og tullete songar som «Puppan te pappa» og «Daniel datt i do».
Bandet er også kjent for å skrive om tema som ikkje er så vanlege for den yngre aldersgruppa, som «Gutten på stranda» og «Fyllikan i bakgården».
Rasmus og Verdens Beste Band starta opp i 2007 og har gjeve ut fem barneplater og fått tre spelemannsprisar – samt vore med i eit utal med fjernsynsproduksjonar, m.fl. «Kosinus» på NRK Super.
Men Rasmus og Verdens Beste Band skal ikkje få scena heilt for seg sjølv denne torsdagskvelden. Femteklassingane i Surnadal vil også bidra saman med bandet – for endeleg, etter eit par «koronaavlyste» år, er «Give Me 5» tilbake igjen!
Billettar til: «Give Me 5»