Under Surnadal pensjonistlas julemiddag er det fast tradisjon at «Surnadal kommunes pris for godt eldrearbeid» blir delt ut. Torsdag var rundt 80 medlemar i pensjonistlaget samla til julemiddag på Nordmøre Folkehøgskule. Hovudattraksjonen var sjølvsagt utdeling av denne prisen som i år altså gikk til Olina Halle.
Olina fikk prisen for sin aktive innsats og mange besøk til bebuarane på surnadal Sjukeheim, og ho har vore kjent for å stille opp når det trengs, vart det sagt om Olina under prisutdelinga. Det var Ragnar Halle som tok i mot prisen frå ordførar Lilly Gunn Nyheim på vegne av mora Olina. Det er altså Surnadal kommune som deler ut prisen som er på kr 5000,- , men det er eldrerådet som peikar ut kandidat til å ta i mot prisen. I år var det 3 kandidatar som var nominert.
Det er no 6. gongen at prisen blir delt ut, etter at den vart delt ut første gong i 2011 til Bjørg og Per Strand, 2012 til Todalen sanitetsforening, 2013 til Surnadal demensforening, 2014 til Hyggekroken i Bæverfjord, 2015 til Grete og Martinus Torvik og altså no til Olina Halle for 2016.
![Velfortent eldrerådspris til Olina Halle](http://todalen.no/wp-content/uploads/2016/12/GoranBolme_6850-1200x761.jpg)
Kulturinnslag med Gøran Bolme som hadde innslag frå den nye CDn som kjem om nokre dagar. Foto: Jon Olav Ørsal
På juletreffet var det elles kulturelt innslag med Gøran Bolme som framførte eit par innslag frå «Jakten på det perfekte juletre», – bestefars juletrevisa og så var det nærast premiere for songen som Gøran har skrive og juletrefesta i Dønnem bedehus. Denne er med på den nye CDn som kjem i handelen om nokre dagar. På programmet elles var eit innslag med ordførar Lilly Gunn Nyheim som prata om personen attafor ordførarkjedet – om barndommen, skuletida med utddanning og vidare ut i arbeidslivet og seinar politikken. Ellers var det sjølvsagt triveleg samling rundt bordet med velsmakande julemat og triveleg prat med kvarandre.
![Velfortent eldrerådspris til Olina Halle lillygunnnyheim_6856](http://todalen.no/wp-content/uploads/2016/12/LillyGunnNyheim_6856-1200x829.jpg)
ordførar Lilly Gunn lot politikk være politikk og fortalte om personen bak ordførarkjeda. Ei interessant reise gjennom barndom, undum, skuletid og arbeidliv – fram til politikken. Foto: Jon Olav Ørsal
![Velfortent eldrerådspris til Olina Halle oddmundsolem_6855](http://todalen.no/wp-content/uploads/2016/12/oddmundSolem_6855-1200x820.jpg)
…og Oddmund Solem sørga som vanleg for musikk til allsongen på julemiddagen på NoFo. Foto: Jon Olav Ørsal
….og til slutt nokre bilder frå borda – her er det klart for å sende inn julematen. Foto: Jon Olav Ørsal