Torsdag var det vårpuss på alle fronter. Todalen brannlag hadde sin årlege innsats med spyling av plassen framfor Talgø og Matkroken. Sjølv om det var litt motortrøbbel på brannpumpa så vart det gullande reint. Ein børstebil frå Eidsøra Betong tok eit par rundar rundt bygda og sopa saman restane av strøsanden som låg att rundt vegkantane. Den børsta og støvsuga og samla strøsandrestane i tanken.
Eidsøra Betong støvsuga fylkesveien rundt bygda, og samla strøsanden i tanken. Foto: Jon Olav Ørsal
Og til slutt tek vi med dagens dugnadgjengar som dreiv med skrubbing og vasking av kyrkja. På formiddagen var det Anders Todalshaug og Gudmund I. Kvendset som var i aksjon, medan nytt skift kom på torsdag kveld. Vaske- og spylejobben er på det nærmaste ferdig. Målararbeidet starta kanskje på laurdag, trudde dugnadssjef Ragnar Halle. Godt jobba, folkens!
Kveldsskiftet – Magne Søyset, Ragnar Halle, Einar Husby og Anders Halset. Foto: Jon Olav Ørsal
Dagskiftet – Anders Todalshaug og Gudmund I. Kvendset. Foto: Jon Olav Ørsal