Vår i lufta…..

Med sol frå skyfri himmel og temperatur på godt over ti grader, er det fint med ein tur ut for å sjå etter vårteikn. I blomsterhagane finn vi no både julerose, blåveis, snøklokker og krokus. Humler og bier summar rundt. Kvitsymre og hestehov har ikkje dukka fram enno, men hasselen blomstrar.

Hassel har både hannblomster og hoblomster , og dei bur i lag på same tre. Hoblomsteren er liten og raud og blir kalla natavon, medan hannblomsteren er lange, hengande raklar. Her er nokre bilete frå dagens runde.