I fjor bles dei nytt liv i tradisjonen med julegrantenning i Brusetmarka etter fleire års pause. I år kunne ein laurdag føremiddag tru at den planlagde julegrantenninga skulle regne og blåse bort, men det stilna heldigvis til kvelds, juletreet stod støtt og vart tent! Det er vel berre å slå fast at «godt folk har godt ver»!
Treet var riktig så fint, og det er Kristen Bruset som har vore på juletrehogst.
![IMG_7340](http://todalen.no/wp-content/uploads/2015/12/IMG_7340-225x300.jpg)
Justyna, Julia og Aleksandra syntest det var kjekt å vere med på tenning av juletreet. Foto: Dordi J.H.
Brusetmarka Vel hadde ordna med pepperkaker, gløgg og mandarin som vart serverte i garasjen på Trudvang. Heile 28 personar hadde møtt fram, både små og store kosa seg. Folk prata og fortalde gode historier, det er kjekt med trivelege møteplassar i lokalmiljøet.
![IMG_7350](http://todalen.no/wp-content/uploads/2015/12/IMG_7350-414x300.jpg)
Folket ovanfor Falla møtte mannsterkt opp. Frå venstre Anita Talgø, Svein Talgø, Berit Pauline Kårvatn og Karen Johanne Talgø. Foto: Dordi J.H.
Elles er både Hengebrua og hus fint julepynta innover Brusetmarka. Da er det berre å håpe på at det snart blir snø i julegrana i Trudvangkrysset.
![IMG_7345](http://todalen.no/wp-content/uploads/2015/12/IMG_7345-400x300.jpg)
Mange møtte fram til julegrantenninga i Trudvangkrysset – dei syntest dette er ein god tradisjon. Foto: Dordi J.H.