Triveleg lunsj i Sanitetshuset – god mat og godt med folk

Todalen sanitetsforening inviterte bygdefolket til lunsj tysdag 28. januar. Responsen på invitasjonen var god; godt med folk og riktig god servering.

Denne dagen var karane i fleirtal rundt borda, det er ikkje så ofte på arrangementa til Sanitetsforeninga.

Leiar i Sanitetsforeninga, Solveig Glærum, ønskte vel møtt. Ho syntest det var kjekt å sjå så mange frammøtte. Aldersspennet var stort; yngstemann var under året og eldstemann godt over 90!

Tittelen på prosjektet til Sanitetskvinnene er henta frå songen «Kanskje kommer kongen?» med Knutsen og Ludvigsen. Øystein Dolmen (Knutsen) og Gustav Lorentzen (Ludvigsen) gav ut albumet «Juba Juba» i 1983, der ein av songane er «Kanskje kommer kongen?».

«Kanskje kommer kongen?» er eit prosjekt for å skape gode møteplassar i lokalsamfunnet. Sanitetsforeninga har planer om to arrangement til i løpet av året; nonsmat og lunsj.

Solveig Glærum orienterte vidare om oppussinga av Sanitetshuset. Møterommet er ferdig så langt, vidare er det ønske om å pusse opp kjøkkenet. Fleire av leigetakarane i Sanitetshuset har bil, så carport står på ønskelista. I tillegg er det behov for nye vindu, men det står lengst nede på lista no.

Kanskje kommer kongen

Kanskje kommer kongen

Hit til middag nå i dag

Vi har dekket på perrongen

Med god mat av alle slag

Kalkun panert med hummer

Små glass med artisjokk

Knutsen skal servere

Og Ludvigsen er kokk

Fleire bilete frå ein hyggeleg dag: