Vår utsente tok ein stopp ved Utigarden på Ørsal for å sjå kva Johan dreiv med. Han hadde rigga seg til ved garasjenåva, og svinga kjøttøksa til hogg. Han var i full gang med å dele opp sauhau, som skulle bli god mat. Han fortel at det var vanleg å bruke sauhaua til mat i gamle dagar, og den tradisjonen har han fortsett med. Da Johan feira 50-årsdag, var det sauhau på menyen og det vart servert som hovudrett til heile festlyden. Den gongen koka han storgryta full av sauhau.
![Sauhau_0686_L](http://todalen.no/wp-content/uploads/2011/10/Sauhau_0686_L.jpg)
Lenger nedpå Vestlandet er det enno festmat og delikatesse i festlege lag, og Vinmonopolet har til og med laga ein eigen akevitt til denne retten som heiter «Smaladram». Tondalen.nos utsendte vart promte invitert på sauhau, så det er berre å begynne å gle seg på at det skal skje i nær framtid.