Foto: Jo Gjeldnes
Hopp under nyhetssakene

Torsdag vil kyrkjeklokkene ringe for Gaza

Jon Olav Ørsal Torsdag 7. august 2025

På siste kyrkjemøtet vart det gjort vedtak om at alle domkyrkjene og lokalkyrkjene som har høve til det skal ringe for å markere sin støtte til sivilbefolkninga i Gaza. Dette blir gjort gjennom å ringe med kyrkjeklokka og samtidig tenne eit lys og be for Gaza. Det skjer torsdag 7. august frå kl. 15:00.

Vi har eit spesielt ansvar for å seie ifrå, og gjer det på denne måten, seier biskop i Møre bispedømme Ingeborg Nordtømme.  Det som skjer i Gaza er brot på all etikk, og det er på høg tid at vi markerer det som eit rop på merksamheit.

I Todalen vil vi torsdag ha opa kyrkje frå kl. 14:30, dersom det er nokon som vil stikke innom for å tenne eit lys for Gaza, seier soknerådsleiar Borghild Betten Talgø.   

Først publisert: 7. august 2025, 07:00 - Sist oppdatert: 6. august 2025, 15:59