Neste helg arrangerer Tordenskjold songlag songarstemne, og tek i mot 10 kor – 260 songarar – frå heile Møre og Romsdal. I tillegg deltek Mo skulekorps og Surnadal hornmusikk. Songarane kjem frå 9 forskjellige kommunar i fylket – frå Åndalsnes, Hustadvika, Bud, Midsund, Molde, Aukra, Kristiansund, Straumsnes og Aure – i tillegg til gjestekor frå bygda.
Tordenskjold Songlag star som arrangør av songarstemet i Surnadal 14.-15. juni. Foto: Tordenskjold songlag
Elsa Kvande som er leiar i Tordenskjold er også leiar for songarstemnet, og er stolt av koret i år står som arrangør. – Her i Surnadal ligg det godt til rette for slike arrangement, med kort avstand til det meste. Hotellet er fullbooket, likeså NOFO og Hammerstuene, og mange skal bu på Surnadal Camping Brekkøya.
Arrangementet har eit rikhaldig program, som startar i ALTI-senteret og fortsett med songartog til Sjukeheimen og Kulturhuset, der det blir offisiell opning med ordføraren. Siste post på programmet på laurdag er konsert i Stangvik kyrkje.
Deltek i gudsteneste i Todalen kyrkje
Søndagen startar med gudsteneste i Todalen kyrkje, der Straumsnes songlag deltek med song.
Elles står det profankonsert på programmet i Kulturhuset på søndagens program – her er det start kl 14:30.
Nedafor har vi lagt ut programmet for songarstemnet i Surnadal 14. – 15. juni.
