TodalsCupen 2022 regna bort

I dag var dagen da den 30. TodalsCupen skulle arrangerast, men vêrgudane var ikkje på lag med Todalen Idrettslag, så cupen vart stoppa etter 2-3 kampar på grunn av mykje regn. Dette er første gongen at arrangøren måtte gi tapt for vêret i løpet av alle desse åra. 

34 lag hadde meldt seg på årets utgåve av Todalscupen, og såg fram til å så måle krefter mot andre lag, men slik gjekk det altså ikkje. 

Yr.no hadde lenge meldt dårleg vêr akkurat i dag, men arrangøren håpa i det lengste at Yr.no skulle ta feil, men den gong ei. 

Kampane kom i gang etter plana, men både spelarar og publikum vart tidleg både våte og kalde, så rundt ein time ut i cupen, vart det bestemt at årets TodalsCup vart stoppa og resten av kampane avlyste. Alle laga fekk i alle fall minst ein kamp kvar, sjølv om det vart ei våt oppleving! 

Spelarane som spela fekk sine velfortente premiar, så sjølv om dei vart både våte og kalde, så har dei i alle fall eit minne frå cupen utover berre vêret. 

– Det er berre å beklage at vi ikkje hadde vêret på vår side i år, men det rår vi ikkje med, seier Elinor Bolme, som er leiar i Todalen Idrettslag. – Vi håper å kunne å få bedre vêr til neste år, når det er 30 årsjubileum for TodalsCupen, avsluttar ho!

Elinor nyttar samtidig høvet til å takke alle som har bidrege i førebuingane til Todalsdagen og på sjølve arrangementet i dag! Ho takkar og arrangementsponsorane for støtta til Todalsdagen 2022.  

 

 

 

---