Songen fyller stadig kyrkjene. Onsdag inviterer koret Prosjekt 17 til salmejubileum og klassiske tonar i Todalen kyrkje.
Sverre Hatle formidlar kunnskap om salmejubileet og om sin store diktarkollega Elias Blix – «nynorsksalmens far». Foto Bernt Bøe
100-årsjubileum
«Nynorsk Salmebok» kom i 1925 og vart særleg godt motteken nettopp i Todalen. Få stader finn du betre song enn der, og den nynorske salmeskatten pregar bygda.
Forsamlinga er hovudaktør når gode gamle Blix og Hovden får ordet og tonen. Også nyare stoff står på menyen, av Arve Brunvoll (med over 50 tekster i dagens salmebok) og andre.
I eigne konsertavdelingar syng koret musikk av Beethoven (t.v.) og Mendelssohn.
Sverre Hatle, som har skrive «Du er mi øy» (334), deltek i programmet. Han informerer om «Nynorsk Salmebok» og om sin berømte diktarkollega Elias Blix – mannen bak vår nynorske salmetradisjon.
Etter meir enn 50 år med salmedikting på nynorsk (mest Blix) vart «Nynorsk Salmebok» godkjend i 1925. Ho vart særleg godt motteken i Todalen.
Klassisk
Koret P17 legg klangar til salmane og konserterer med litt klassisk musikk. Her kjem Mendelssohn, Beethoven og andre til orde. Korets solist Turid Røen Kroknes har også eigne bidrag.
Det er gratis inngang, men høve til å støtte kyrkjemusikalsk arbeid med ei kollektgåve.
Turid Røen Kroknes er kveldens solist. Her i Todalskyrkja ved eit tidlegare høve. Foto Bernt Bøe
Songkvelden skjer i samarbeid med Todalen sokneråd, som også byr på ei lita servering etterpå..
Ein liknande kveld, med litt anna program og i samarbeid med strykarar, er sett opp i Åsskard kyrkje den 22. okober.
