I løpet av ei veke er det godt med besøk på Hett og Svett. Mondagskveldane er det garantert å treffe folk der, for då er ein gjeng velvaksne karar oppmøtt for å få fart på blodpumpa, og ha det litt artigt i lag. Terje Nordvik er primus motor, og har naturleg vis ikkje skofta ein einaste gong!
Tredemøllene får fart på føtene til karane. Instillingane er mange og kan varierast etter behov. Terje er som snarast bortom elipsemaskina.
Balansen må haldast ved like skal kroppen fungere til dagleg fortel Terje. Som legg til at det faktisk blir betre for kvar gong.
Men det viktigaste er kaffekoppen og noko attåt mellom øktene. Nokon har forsøkt å hinte om at julebrøda ikkje passar seg, men det bryr dei ikkje nevneverdig.
Terje serverer til Jon Olav, Lars og Torkjel. De er samstemte i at treninga kjem i andre rekkje. Men med litt trening kan dei med god samvittigheit også ta eit lite marsipankakestykkje meir som ein bonus…