På bakgrunn av dårleg laksefiske blir 33 lakseelvar frå svenskegrensa til og med Trøndelag stengt frå laurdag kl 24 og på ubestemt tid. Her i distriktet er Det Rauma, Surna og Eira, medan det i Trøndelag gjeld elver som Orkla, Gaula og flerire til – med Namsen i spissen. Tove Talgø Brøndbo fortel at ein i Toåa ventar på midtsesongevaluering.
Brøndbo fortel at ein i Toåa alt har gjort tiltak – mellom anna kan det i inneverande seong berre takast 30 hanlaks, medan all holakse er freda denne sesongen. – Men vi følgjer med utviklinga i fisket, og gjer fortløpande vurderingar. Vi har god kontakt både med Norske lakseelver og med Miljødirektoratet og Statsforvaltaren.
Sjølvsagt er vi spente på resultatet av midtsesongevalueringa, men vi håpar at vi unngår fullstendig stengning, seier Brøndbo. Dersom det etter kvart blir litt regn no, så vil det nok bli fin fiskarelv i Toåa.