Frå midnatt, natt til laurdag, blir det opna for laksefiske igjen i Toåa. Vasstemperaturen er gått ned og vassføringa er på veg opp igjen, dermed er det forsvarleg å opne oppatt for laksefiske, seier leiar i Todalen Elveeigarlag Stig Husby til Todalen.no.
Høg vasstemperatur og lita vassføring gjorde at elva var stengt for fiske i 4 døgn. Vi har no fått ei vêrforandring som gjer at forholda i elva er på veg til å bli normalisert. Neste veke vil det bli meir nedbør og da kan vi fakstisk rekne med at det blir fine forhold for fluefiske i Toåa, seier Husby.
Gapahuken i Båthølen – Her er det fiskerampe med universell utforming. Foto Jon Olav Ørsal
Husby fortel at fiskekorta ligg klare for sal på Elveguiden.no, og det er observert bra med fisk i elva i det siste. Så her er det berre å ta sats for å prøve på laksefiske i Toåa igjen. Til no er det teke 29 laksar på gjenomsnitt 3,8 kg i Toåa – dei alle fleste på flue viser laksebørsen for Toåa