Todalen Elveeigarlag førebur ny sesong med laksefiske i Toåa. Den største nyheita er nok at sesongen ser ut til å bli utvida med 4 veker. Det vil seie at sesongen startar frå 1. juni – altså 2 veker tidlegare og varer til 31. august, som er to veker lengre enn i fjor. Dermed er sesongen og tida likt med Surna- og Søyavassdraga.
Leiar i Elveeigarlaget, Stig Husby, fortel at styret har lagt ned eit stort arbeid med å få ny sesong på plass. Dette har skjedd i samarbeid med Miljødirektoratet og Norske Lakseelver.
Det har vore lagt ned mykje arbeid i elveeigarlaget – her frå stamfiskarbeidet i Toåa. Arkivfoto Jon Olav Ørsal
Stort ansvar for laksestammen
Men sjølv om det blir utvida sesong, så kviler det eit stort ansvar både på elveeigarane og på fiskarane for å unngå overbeskatning av laksestammen og vil krevje ein innsats med tanke på overvaking av bestand og kontroll på fisketrykk. I samband med opplegget for sesongen skal to medlemar i styret delta på landssamling i Norske lekseelver komande helg. Det skjer på Gardermoen, og her står mange viktige saker på agendaen – mellom anna ein grundig gjennomgang av regelverk og fangstreguleringar.
Startar salet av fiskekort i dag
I dag kl 12:00 startar salet av fiskekort for sesongen 2024. Det skjer på Elveguiden.no, og her kan du sikre deg fiskekort gjennom den utvida fiskesesongen i Toåa.