Store nedbørsmengder det siste døgner har sørga for at Toåa går flaumstor i dag. Søndag føremiddag såg det ut som vassføringa hadde nådd toppen og var på tur ned igjen. Vassføringa var på topp i Storfossen ca kl 09.00, med 67,3 m3/sek., medan det kl 13.00 var kome ned att i 57,3 m3/sek. På den tida da den var som størst var vatnet sterkt brunfarga, og vi har fått melding om at det har kome mykje brunfaga vatn frå Romåa.
![DSC_8905](http://todalen.no/wp-content/uploads/2013/06/DSC_8905-430x284.jpg)
Dette er større vassføring enn i pinsehelga, da vassføringa kom på knappe 65,0 m3/sek ein kort periode på pinseaftan. Regnveret det siste døgnet, saman med restar av snøsmelting i høgfjellet har gjort at Toåa altså har vokse opp frå 8,7 m3/sek som var lågaste vassføring sist fredag ettermiddag.
![DSC_8907](http://todalen.no/wp-content/uploads/2013/06/DSC_8907-430x284.jpg)
Det er venta litt meir regn utover dagen, men det vil etter kvart gi seg utpå kvelden, melder YR.NO i sine meldingar.