Søndag er det 1. desember og premiere for T.I.L.’s julekalender. Første trekning er klar frå morgonen av, og det er knytt stor spenning til lotteriet med over 90 gevinstar. Som sagt er første trekning søndags morgon, og det blir trekt 3-4 gevinstar kvar dag fram til jualaftan 24. desember – og trekninga blir kunngjort på Todalen.no dag for dag.
Det er Todalen I.L. trimgruppa som står attafor dette lotteriet, og alle gevinstane er «kortreiste» eller kanskje vi heller kan seie at dei er heimlaga. Det er no 3. årets at trimgruppa arrangerer slik eit lotteri og det har vore ubetinga suksess, seier Sissel Halset Storslett som er leiar for TILs trimgruppe. Da fristen for å kjøpe lodd gikk ut laurdag kl 12, var det over fire hundre lodd som hadde funne sin eigar.
Alle gevinstane vart fotografert og registrert – no er det klart for trekkjing, seier Torill Talgø. Foto Jon Olav Ørsal
Laurdag var trimgruppa samla for å organisere trekninga og sortering av gevinstar – vidare blir det no trekning kvar dag framover til julaftan. For å gjera det enkelt for vinnarane så vil trimgruppa stå for utlevering av gevinstane som blir køyrt ut eller levering avtal kvar dag etter arbeidstid. Så vinnarane kan ganske enkelt vente til dei blir kontakta når dei har vunne.