Tysdag kveld tok Søya/Todalen G9/10 turen til Kristiansund for å spele kamp mot Nordlandet på Nordlandet kunstgress. Vêrgudane var ikkje akkurat i god lunet denne kvelden, så det vart ei kald og våt oppleving for laget. Det regna absolutt heile kampen, så det var ein gjennomvåt gjeng som sette seg i bilane for å ta på heimveg etter kampen.
I starten av første omgang var det bortelaget som tok kommandoen i banespelet og i målprotokollen. Utover i omgangen kom heimelaget meir med og teikna seg i målprotokollen dei òg. Ved pause var stillinga som ved kampstart, nemleg uavgjort.
I andre omgang var det heimelaget som kom best i gang. Etter litt justeringar frå trenar Vikan kom bortelaget meir med og hadde fleire gode sjansar utan å klare å putte ballen bak ein god heimekeeper. Med to kjappe scoringar i sluttminutta vart det difor ein knapp heimesiger.
Det vart ei kald og fuktig oppleving. Foto: B G Ansnes
Trenar Vikan var likevel særs godt nøgd med laget sine prestasjonar og innsatsen.
Desse spela dagens kamp for Søya/Todalen: Magnar Vikan, Trygve Aleksander Halle, Jakob Ranes, Erlend S. Polden, Olav Gjeldnes og Jens Sancho Ansnes.
Bortelaget sine mål vart scora av Trygve Aleksander Halle 3 og Magnar Vikan 1.
