Da er siste bøssa komen inn og oppteljinga etter Demensaksjonen i førre veke er ferdig – til saman kom det inn 141.365 i Surnadal kommune, der Surnadal Demensforening og helselag og Åsskard helselag har organisert innsamlinga.
Liv Botten har leia demensaksjonen som sørga for å samle inn over 140.000 i Surnadal kommune. Foto Jon Olav Ørsal
Liv Botten, som er leiar i Surnadal Demensforening og helselag, har leia aksjonen. Men ho har hatt god hjelp av årets kull av Surnadalsrussen, ungdomsskuleelevar og andre frivillige som har besøkt alle heimar i kommunen.
Botten rettar ein stor takk til alle som har bidrege på sin måte, enten som gjevar, bøsseberar eller som har bidrege på anna måte i aksjonen.