Som kjent har alle ungdomsskular og vidaregåande skular, over heile landet sidan 4.januar, hatt «raudt» smittevernnivå. Dette gjer at klassar ved Surnadal vidaregåande skule har veksla på å ha heimeundervisning. I informasjon frå Surnadal barne- og ungdomskule får vi opplyst at dei òg innfører delvis heimeskule for 8. og 9.årstrinn frå og med onsdag 13.jaunuar og førebels til og med tysdag 19.jaunuar.
Det er skuleleiinga, i samråd med lokale myndigheiter og FAU, som har kome fram til denne løysinga, Grunnen til dette er utfordringar arealmessig i samband med pågåande byggearbeid ved Surnadal barne- og ungdomsskule og utfordringar i høve til skuleskyssen. Å redusere talet på elevar som er på skulen kvar dag vil gjere det lettare å etterkoma aktuelle krav til smittevern.
Elevane på 8. og 9.årstrinn skal ha heimeundervisning desse dagane:
- Onsdag 13.januar: Klasse 8AB og 9AB
- Torsdag 14.jaunuar: Klasse 8CD og 9CD
- Fredag 15.januar: Klasse 8EF og 9EF
- Måndag 18.januar: Klasse 8AB og 9AB
- Tysdag 19.januar: Klasse 8CD og 9 CD
Om perioden med heimeundervisning vil bli forlenga, utover til og med tysdag 19.januar, vil bli bestemt seinast tysdag 19.januar.