Surnadal Open – heime hos Odd Ingard Skrøvset på Råssåkastet – oppdatert

Surnadal Open er i full gang med fleire arrangement gjennom heile dagen.  «Kunstbussen» starta først til Stangvik, og fortsette til Todalen og besøk hos Odd Ingar Skrøvset som har fritidsbustad og atelier på Råssåkastet i Sissigrenda.  Her vart det faktisk fullt hus, men Odd Ingar tok oss med på ein interessant presentasjon av sitt liv og virke, og spesielt ei kjapp innføring i kva grafikk er for noko.

Odd Ingar har heile livet vore interessert i kunst, og det er kanskje ikkje så rart når ein tenkjer at tante hans er Kalla Skrøvset.  Han fortalte om livet sitt som kunstnar, at han slutta yrkeskarrieren sin litt tidleg for å ta kunstutdanning i godt vaksen alder – søkte seg da inn på Hans kristian Dahls kunstskule, der han også fikk atelierplass. I dag samla han rundt 30 personar heime på Råssåkastet i sitt atelier.  

Tema for dagens foredrag var grafikk – ei generell innføring i denne kunstformen og ei forklaring av dei forskjellige teknikkane ein brukar for å laget grafiskk.  I tur og orden ga han oss ei go forklaring på kva som er spesielt for dei forskjellige teknikkane – press, litopress, høgrtykkspress og lågtrykkspress.  Det er grafikk som er arbeidsformen som han brukar mest i sitt virke som kunstnar, og som han har lært seg å utføre.  Sia har han sjølv trykt sine produsjonar. 

Surnadal Open fortsett vidare, men endar til slutt opp på Surnadalsøra der Odd Ingar har utstilling kalla «Mitt Nordmøre» på Surnadal Billag i 2. etasje,  medan Surnadal kunstforening  har «Pop UP utstilling» 1.etg – begge opnar laurdag kveld kl 18:30.