Surnadal G13 mot Molde G13 på Bordholmen

I dag hadde Surnadal G13 heimekamp mot Molde G13 på Bordholmen. Vêrgudane viste seg ikkje akkurat frå si beste side, så det var regn stort sett under heile kampen, men det såg ikkje ut til at det påverka spelarane sin innsats på banen nemneverdig. For det var mykje godt spel og stor innsats frå båe lag. 

Det var Molde som kom best i gang, og scora etter berre 20 sekunders spel. Etter det jamna kampen seg ut og heimelaget overtok meir og meir av spelet utover i omgangen. Da dommar Harald Gule bles av til pause hadde heimelaget snudd kampen og kunne gå til pause med ei 3-1 leiing. 

I starten av andre omgang bølga spelet fram og tilbake, og omgangen var nesten halvspelt før bortelaget fann nettmaskene og reduserte til 3-2. Etter det tok heimelaget over spelet og skapte mange kvalifiserte sjansar. Nokre av sjansane vart omgjort i scoringar, og rett før slutt leia heimelaget 6-2. Like før slutt reduserte bortelaget ein gong, slik at sluttresultatet vart 6-3. 

Det var bra med tilskodarar på kampen og kioskpersonalet hadde hendene fulle under heile kampen. 

Surnadal sine målscorarar: 1-1 Theo Polden, 2-1 Fredrik Settemsdal, 3-1 Sindre Dahle Fiske, 4-2 Sindre Dahle Fiske, 5-2 Fredrik Settemsdal og 6-2 Jo Helgetun Schei.