Det er haust i lufta, og det er godt å samlast innomhus igjen. Todalen sanitetsforening inviterte siste laurdagen i august til strikkekaffe i Sanitetshuset. Her var det godt oppmøte, og 16 – 17 damer hygga seg med handabeid, god prat, kjempegode kaffebrød og kaffe.
Grete strikkar lestar. Tru kven som er så heldig å få dei? Foto: Dordi J H
Bodil broderer og Helen strikkar. Foto: Dordi J H
Her var det strikking av store «karralestar» som skulle tøvast, før dei blir til julegåver. Andre strikka lestar med fine mønster til barnebarn. Det var strikking av mange utgåver av klutar eller kopptuer i forskjellige mønster og fine fargar, sjølvsagt også fine genserar til små eller store eller vest til ei nyinnkjøpt bukse. Ferdige produkt vart viste fram til inspirasjon for oss ande, somme stilte med mønsterbøker, andre synte fram modellar på I-pad.
Det var nok flest med bundingar denne gongen, men det var også brodering og hekling.
Lisabet heklar pledd – det bli lunt og godt å ha til vinteren. Foto: Dordi J H
Bodil broderer bretthaldar. Her viser ho Dordi Jorunn korleis ho lagar den fine holkanten. Kanskje heiter dette holsaum? Bak kamera: Arndis.
Kaffepause. Her ser vi Arndis, Else, Synnøve, Eli, Ingeborg, Lisabet, Grete, Jorunn, Ester Karin og Jenny. Foto: Dordi J H
Strikkekafeen er ein fin møteplass som skaper trivsel og gode relasjonar.
Det er ny strikkekaffe om tre veker – alle er velkomne! Unge eller eldre – her er det inga aldersgrense korkje opp eller ned!