Strikkekaffe i Sanitetshuset  – godt oppmøte og triveleg ettermiddagsstund

September er første haustmånaden, soltimane minkar og det er godt å finne fram korga med handarbeid igjen og møtast innandørs.

Todalen sanitetsforening inviterte til første strikkekaffeen denne sesongen laurdag 20. september. Arndis Søyset og Jorunn Husby er ansvarlege for strikkekaffeopplegget, og dei var også vertinner. Dei stilte med kjempegode kaffebrød som mestå forsvann som dogg for sol!

Mange hadde funne fram handarbeidsposen etter finverssommaren 2025. Måndag 22. september er det haustjamndøgn, da har vi 12 timar natt og 12 timar dag. Vi går inn i ei tid med kortare lysdagar og mørkare kveldar, – altså rett tid for å starte strikkekaffesesongen.

Denne laurdagen var det utlodding, mange gevinstar og kjærkomen inntekt til Sanitetsforeninga.