Sanitetsforeninga inviterte til strikkekaffe laurdag 12. oktober. Godt oppmøte og triveleg samvær!
Dette var første Fredrikkekaffeen denne hausten, og det var kjekt å både å treffast og ikkje minst få sjå kor fint det hadde vorte i Sanitetshuset. Nytt golv, nymåla vegger og tak, nye gardiner og nye møblar; – så fint og stilig! Møterommet har fått eit skikkeleg løft.
Ny og fin sofa, og god å sitje i! Jean, Synnøve, Ingborg og Helen. Foto: Dordi Jorunn Halle.
Veggene er litt nakne enno, men her kjem det bilete og pynt etter kvart. Alt kan ikkje skje på ein gong.
Men i alle fall er det no slik at det blir basar i eige hus onsdag 16. oktober; det var lenge usikkert om møblar osv. ville kome på plass i tide.
Åse og Kari var vertinner. Dei serverte nydeleg eplekake med krem. Praten rundt borda gjekk livleg; viktig med møteplass for å treffast.
Kaffekos. Synnøve, Randi og Jorunn. Foto: Dordi Jorunn Halle.
Fint golv og lune fargar. Foto: Dordi Jorunn Halle.
Vertinnene serverte nydeleg eplekake med krem. På bordet ser vi at dei første basargevinstane alt er på plass. Foto: Dordi Jorunn Halle.