Gudmund K. Kvendset, som er godt kjent for sine mange fine kjøkkenreiskap og andre produkt laga av tre, har laga nye årer for bruk ved åresal i ungdomshuset. Gudmund har, heilt gratis, laga 200 nye årer av tolle. Desse vil no erstatte dei gamle årene, der dei eldste er langt over femti år, og har såleis gjort sitt.
I går kveld vart dei 200 nye årene nummerert og klargjorte for bruk. Det var driftsleiar i ungdomshuset, John Moe og Ragnhild A. Moe som stod for dette.
Dei nye årene vart nummerert i går kveld. Foto: R A Moe
Driftsleiar i ungdomshuset, John Moe vil på vegne av ungdomshuset og Todalen Idrettslag rette ein stor takk til Gudmund for dei nye årene!
– Dette var ei verkeleg fin «gåve» frå Gudmund til ungdomshuset og idrettslaget, som vi verkeleg sett stor pris på, seier John. – Vi veit at Gudmund har bruka tid på dette, og årene vart kjempefine, legg han til.