I dag vart den lokale handledagen markert på Matkroken Todalen og på rundt 400 andre nærbutikkar rundt omkring i landet. Det vi først og fremst har sett i fokus er kor viktig nærbutikken er i mange bygder, og ikkje minst i Todalen der vi er i overkant av 300 innbyggarar, seier Terje Nordvik som er drivar av Matkroken Todalen. På Matkroken Todalen var det i dag gratis servering av kaffe og nystekte bakels med graut – og det sette folk skikkeleg pris på. Todalen sanitetsforening sørga for serveringa.
![](http://todalen.no/wp-content/uploads/2019/10/TerjeN_kaffekroken_2277-1200x762.jpg)
Alle som var innom butikken i dag vart traktert med kaffe og bakels med graut. Her er det handelsmann Nordvik som sørger for påfyll i kaoppen i Kaffekroken. Foto: Jon Olav Ørsal
Det var mange som tok turen innom for å gjøre helgehandelen her, og det var til tider kø i kassa utover formiddagen. I kaffekroken var det også mykje folk, og mange som tok seg tid til å kose seg med ein kaffekopp med nystekte bakels til – og ikkje minst tok folk seg tid til ein sosial prat der dei mellom anna kunne treffe naboen over kaffekoppen.
No er det berre viktig å følge opp vidare, slik at vi sørger for halde liv i nærbutikken som ein del av lokalmiljøet. Det er like viktig i Todalen som det er i Bøfjorden der det lokale Samvirkelaget er den andre butikken her i kommunen som er med i Merkurprogrammet som støttar lokale sistebutikkar.
![](http://todalen.no/wp-content/uploads/2019/10/glasskål_2214-1200x1091.jpg)
PER ØRSAL VART VINNAR! Rett antal bitar med drops og sjokolade i glaset var 166! Per Ørsal som bur i Molde kom nærast som tippa 168. Gåvekort og dropsglas er klart til henting på Matkroken Todalen!
![](http://todalen.no/wp-content/uploads/2019/10/AndersKarenJohanne_2273-1200x771.jpg)
Anders Todalshaug blir traktert med kaffe og bakels av Karen Johanne Talgø frå Todalen sanitetsforening. Foto: Jon Olav Ørsal
![](http://todalen.no/wp-content/uploads/2019/10/MatkrokenHalsOil_2289-1200x756.jpg)
Matkroken Todalen er med i det nasjonale Merkurprogrammet som hjelper utkantbutikkar rundt om kring i hele Norges land. Rundt 400 butikkar er med på dette på landsbasis. Foto: Jon Olav Ørsal