Søndag 16. mars kjem gospelkoret Gospelexplosion frå Trondheim med sine seksti medlemmer og dirigent Leif Ingvald Skaug på besøk til Ranes og Stangvik kyrkjer. Her blir det feiande flotte rytmar, skikkelig «sørstatsgospel» og gode moglegheiter for «sing-along» (allsang).
Det startar med «Gospel-Church» i Ranes kyrkje klokka 12:00 søndag. Her er alle velkomne, men konfirmantane i Surnadal kommune og deira foreldre, søsken og besteforeldre er spesielt inviterte. – Så bli med og fyll opp kyrkja denne søndagen, oppfordrar sokneprest Pål Arne Winsnes. – Det er gratis inngang, legg han til.
På søndag ettermiddag klokka 17:00 held Gospelexplosion gospelkonsert i Stangvik kyrkje. Billetter til denne konserten kostar kroner 200,- for vaksne og kroner 100,- for ungdom. Billettene kjøper ein i døra. – Her er det fint om folk er tidlig ute, for her kan det bli fullt, avsluttar Winsnes.
Denne gospelhelga må du ikke gå glipp av!
Medlem i Todalen.no – 