Stavgangarane til Roparen

Torsdag hadde Stavganggruppa i Surnadal Pensjonistlag stavgang til Roparen. 27 spreke stavgangarar møtte opp i det verkeleg fine seinsommarvêret.

Turen gjekk frå parkeringsplassen ved Surnadal Alpinsenter og opp til Roparen. 

– Her er det utsikt over slettlandet i nedre delen av Surnadal og ut over fjorden, fortel Svein Tjelle i Stavganggruppa. 

– Det har vorte store endringar, dei siste  50 åra. Det meste av tollskogen som ein gong var er borte, det same er einekjerra nedre ved fotballbanen og det gamle evjesystemet som ein gong var er bygd ned. Istaden er det kome industri, havn og idrettsanlegg. 

– Vi tok matrasten ved friluftsbarnehagen på alpinsentret der det var benkar, bord og gapahuk, avsluttar Tjelle. 

Neste torsdag, den 5. september, går stavgangarane Svinvikrunden.