Dei 86 trimmarane som hadde registrert seg i Trimgruppa i Todalen Idrettslag sin turappen «På tur i Todalen» hadde frå 1. oktober 2023 til og med 30. september 2024 totalt 5836 innsjekkingar på dei 27 turmåla. Toåa tursti tronar også i år på topp, med Løfta og Tjønnmyra på dei to neste plassane. 6 personar har i løpet av trimåret besøkt alle dei 27 turmåla. Dei seks er Jørgen Mæhle, Bjørn Kvendset, Jorid Haugen Ansnes, Mari Brusethaug Redalen, Kristian H. Gjeldnes og Marit Haugen.
Innsjekk fordelt på turmål.
Dei 6 som har sjekka inn på alle turmåla får kvar sitt gåvekort på kroner 200,- hos Sport Outlet i Surnadal.
Trimgruppa deler også ut ein premie til dei 6 med flest innsjekkingar gjennom trimåret, og det vart for 23/24:
- Ingri Bruset, 640 innsjekkingar
- Kristian H. Gjeldnes, 480 innsjekkingar
- Arndis Søyset, 347 innsjekkingar
- Jorid Haugen Ansnes, 306 innsjekkingar
- Åse V. Redalen, 303 innsjekkingar
- Åshild Halle, 263 innsjekkingar
Premiane blir delt ut på Trimgruppa sin stand på Bruset under Romjulsmarsjen 27. desember (tredjedag jul).
«På tur i Todalen» 24/25, som har dei same turmåla som for 23/24, er kome godt i gang, og så langt har dei 47 deltakarane sjekka inn 1191 gonger, men det er plass til fleire, så det er berre å registrere seg og ta seg ein tur ut! Her finn ein informasjon om korleis ein lastar det Trimpoeng-appen og korleis ein registrerer seg.