Torsdag 20. mai opnar Svinviks Arboret for ny sesong. Det er litt seinare enn vanleg, med rododendronblomstringa er nok litt forsinka på grunn av den siste snøen og kalde netteer i april og hittil i mai. Men da reknar vi med å gå direkte inn i høgsesongen, seier Maja Frønes som er leiar for arboretet.
Vi kjem nok til å endre litt på opplegget og tilpasse aktivitetane til sesongutviklinga. Frå 20. mai til 20. juni kjem vi til å ha ope kvar dag, unnateke måndagar. Da blir det lik opningstid frå 11:00 til 16:00. Frå 21. juni og utover blir det nye opningstider – disse vil da bli vurdert etter kvart.
Sissel halset Storslett sørga for ein godbit til dugnadskaffeen. Foto: Jon Olav Ørsal
Kafeteriaen i arboretet vil bli open i opningstida for arboretet – når det er finvêr vil vi i størst muleg grad satse på uteservering på grunn av koronasituasjonen. I alle tilfeller kjem vi til å tilpasse serveringa etter gjeldande regelver til ei kvar tid. Men dersom det er fleire som ønskjer å kome i lag og få guiding eller servering så er det bra om vi blir kontakta på førehand. Ta da kontakt med Maja på telefon 913 99 452.
Ola Halle i full gang med riva i stiane på baksida av åsen. Foto: Jon Olav Ørsal
Johan T. Hals tek ein pause i rakinga og poserer for fotgrafen. Foto: Jon Olav Ørsal
Vaktmest Ola bruset hadde med seg Ragnild Hausberg og Ann Marit Betten. Foto: Jon Olav Ørsal
Snart blir det mogne vindruer kostaterer Ann Marit Betten. Vindruene veks i drivhuset til arboretet og får nok tilgang til litt varme vinters tid. Foto: Jon Olav Ørsal
Torsdag kveld var det årleg dugnadskveld i arboretet. Det er ein lang tradisjon at Surnadal Hagelag kjem hit ein kveld før vi opnar og deltek i rydding av rusk og rask etter vintere. Slik også i år, og vi tok ein liten fotorunde i hagen som du kan sjå nedafor.