Start 4H selde kornband

I dag hadde medlemmer frå Start 4H rigga seg til med salsstand utanfor Matkroken Todalen, der dei selde kornband. Sal av kornband har, etter kvart, blitt ein tradisjon i Start 4H, og noko dei har gjort i mange år no. Gradestokken viste fleire blå grader, så det var ei klar påminning om at småfuglane treng litt ekstra godsaker no når det går mot full vinter og mørketid.

I fjor selde dei ut alle kornbanda på eit par timar, så i år hadde dei ordna med litt fleire kornband, og det viste seg at det var det behov for, for da salsgjengen avslutta klokka 14:00, var det berre nokre få kornband att. Så dersom du ønskjer å kjøpe kornband, men ikkje fekk gjort det i dag, kan du ta kontakt med Ragna på telefon 4, 80 00 144 eller Line på telefon 412 15 760, så ordnar det seg!

Medlemmene var delt opp i tre «salsteam» som hadde ei vakt på ein time kvar. Første ute var Fredrik og Sivert Sogge, før Lisa og Jakob Ranes overtok, medan Selma S. Gjeldnes og Maria K. Bergli avslutta det heile. 

Start 4H takkar alle som kjøpte kornband for handelen, og Matkroken Todalen for at dei fekk ha salsstand utanfor butikken i dag!

---

Medlem i Todalen.no –

---