Etter værmeldinga har det vore varsel om høg vasstand i dag, med 50 cm over normal vasstand her på Indre Nordmøre. Men det vart slett ingen rekord, sjølv om det etter kvart vart mykje vatn.
Vi tok ein runde ut i dag mellom 12 og 12.30, og da hadde vasstanden såvidedt nådd full flod, og starta på nedturen mot fjøre igjen. Vi har bilder frå båthamna, Todalsøra, Ansnessaga og Bordholmen som er tekne onsdag rett etter flodtoppen. Det er nok fullmånen og den såkalla supermånen som aukar tiltrekkingskrafta og dermed auka vasstand.
Floa gikk heilt inntil veggen på klubbhuset på Bordholmen. Foto: Jon Olav Ørsal
På ansnessaga gikk floa inn på asfaltplassen. Foto: Jon Olav Ørsal
På Todalsøra er det også høgvatn til gangs. Foto: Jon Olav Ørsal
Frå moloen og innover til Talgøfabrikken var det eit stort hav. Foto: Jon Olav Ørsal