Søya/Todalen J11 – Surnadal

I kveld var det lokaloppgjer mellom Søya/Todalen sitt J11 lag og Surnadal på Bordholmen stadion. Ulikt mange lokaloppgjer, så vart dette eit lokaloppgjer med mykje godt spel og mange scoringar. 

Første omgang var i starten jamspelt, med mykje godt spel, frå båe lag. Utover i omgangen overtok heimelaget meir og meir av banespelet. Dette resulterte i mange scoringar mot slutten av omgangen. Heimelaget kunne gå til pause med ei klar leiing. 

I andre omgang jamna spelet seg meir ut, og båe lag spela seg fram til mange gode sjansar, men marginene framfor mål, var ikkje heilt på lag med nokon av laga. Andre omgang enda med uavgjort i målprotokollen, men med leiinga heimelaget hadde til pause, så vart det nok heimesiger. 

Det var ein velspelt kamp med mange fine kombinasjonar, som viste at mange av jentene har god fotballforståing. Det var ein underhaldande kamp for publikum med mange målsjansar, scoringar, og ikke minst mykje godt spel.